გივი ოკუჯავა

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1943 წელს.

1943 წელს დაიწყო შრომითი საქმიანობა ქ. კალიმაში, ოქროს საბადოებზე გამზომად, მარკშეიდერად; 1947 წელს მუშაობდა რუსთავის მეტალურგიულ ქარხანაში უფროს ინჟინრად; 1947-1949წწ. სამშენებლო ტრესტ "საქჰიდროენერგომშენის" მთავარი ინჟინრის მოადგილედ უჯარმის ჰესის მშენებლობაზე; 1951-1954წწ. სიონის ჰესის მშენებლობაზე; 1957-1960წწ. მშენებლობის სამმართველოს საგეგმო-ეკონომიკური განყოფილების უფროსის მოადგილედ; 1960-1961წწ. იყო საქართველოს მშენებლობის სამინისტროს სამშენებლო ტრესტ "ჭიათურმანგანუმმშენის" მთავარი ინჟინერი; 1961-1965წწ. საპროექტო ინსტიტუტ "საქსახპროექტის" სამრეწველო პროექტირების განყოფილების უფროსი, ინსტიტუტის მთავარი ინჟინრის მოადგილე; 1966-1967წწ. მუშაობდა საქართველოს მშენებლობის სამინისტროს ტექნიკური სამმართველოს უფროსად; 1968-1971წწ. ამავე სამინისტროს N15 სამშენებლო ტრესტის მთავარ ინჟინრად; 1971-1977წწ. სამშენებლო გაერთიანება "თბილქალაქმშენის" უფროსის მოადგილედ; 1978-1983წწ. საპროექტო ინსტიტუტ "საქსახპროექტის" პროექტის მთავარ ინჟინრად; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.468

• საქართველოს დამსახურებული ინჟინერი