გაიოზ ორჯონიკიძე

დაბადების ადგილი: ქ. თელავი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1955 წელს.

შრომითი საქმიანობა დაიწყო საპროექტო ინსტიტუტ "საქქალაქმშენსახპროექტში"; 1959-1968წწ. მუშაობდა საქართველოს სოფლის მეურნეობის სამინისტროს სისტემაში სხვადასხვა საპასუხისმგებლო თანამდებობებზე; 1968-1972წწ. საქართველოს ხილბოსტნეულის დამზადება-გადამუშავებისა და რეალიზაციის სახელმწიფო კომიტეტის თავმჯდომარის მოადგილედ მშენებლობის დარგში; 1973 წელს საქართველოს დამზადების სამინისტროს კაპმშენებლობის სამმართველოს უფროსად, მინისტრის მოადგილედ; 1973-1982წწ. იყო საქართველოს მშენებლობის სამინისტროს N2 სამშენებლო ტრესტის მმართველის მოადგილე, ამავე სამინისტროს საგეგმო-ეკონომიკური სამმართველოს უფროსი; 1982-1991წწ. მუშაობდა საქართველოს სახელმწიფო საგეგმო კომიტეტის საბინაო-კომუნალური მეურნეობის განყოფილების უფროსის მოადგილედ, საპროექტო-საძიებო სამუშაოების განყოფილებისა და კაპდაბანდებათა, საწარმოო სიმძლავრეთა ბალანსისა და საპროექტო-საძიებო სამუშაოების კრებსითი განყოფილებების უფროსად; 1992-2000წწ. მუშაობდა საქართველოს ეკონომიკისა და ფინანსთა სამინისტროებში სხვადასხვა თანამდებობებზე; ხელმძღვანელობდა საქართველოს დამზადების სამინისტროს მშენებლობის დამკვეტის სამსახურს, მეფრინველეობის ფაბრიკების, მეცხოველეობის კომპლექსების, ხილ-ბოსტნეულის დიდი ბაზის (ლილოში), საკონსერვო და ხილის წვენების გადამამუშავებელი ქარხნების, თბილისში უნივერსამის ტიპის პირველი მაღაზიის (ვერის ბაზრის ტერიტორიაზე), გორის წისქვილკომბინატისა და სხვა მნიშვნელოვანი ობიექტების მშენებლობისას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.471-472

• 2002 - ღირსების ორდენი
• მედალი "შრომითი მამაცობისთვის"