ომარ ოყროშიძე

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტი საავტომობილო გზების მშენებლობის სპეციალობით 1967 წელს.

1960-1965წწ. მუშაობდა სამშენებლო გაერთიანება "თბილგვირაბმშენში" ტოპოგრაფად; 1965 წელს სამუშაოდ გადავიდა საპროექტო ინსტიტუტ "სოიუზდორპროექტის" თბილისის ფილიალში, სადაც მუშაობდა 1986 წლამდე შემდეგ თანამდებობებზე: ტექნიკოსი, ინჟინერი, უფროსი ინჟინერი, საგამოკვლევო პარტიის უფროსი, ტექნიკური განყოფილების ბრიგადის ხელმძღვანელი, საგამოკვლევო ექსპედიციის უფროსი, პროექტის მთავარი ინჟინერი; 1971-1974წწ. საკავშირო სატრანსპორტო მშენებლობის სამინისტროს დავალებით, მივლინებული იყო ავღანეთში; 1982-1985წწ. - სირიაში, სადაც სხვა ქართველ ინჟინრებთან ერთად მონაწილეობდა ორივე ქვეყნის საგზაო ქსელის მაგისტრალური ნაწილის კვლევა-ძიებასა და დაპროექტებაში; 1986-2003წწ. მუშაობდა საქართველოს მშენებლობის საქმეთა სახელმწიფო კომიტეტში პროექტირების ექსპერტიზის სამმართველოს უფროსის მოადგილედ; რეორგანიზაციის შემდეგ იყო გენერალური დირექტორის მოადგილე, მთავარი ინჟინერი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.473