ვახტანგ პაატაშვილი

დაბადების ადგილი: ქ. თელავი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1931 წელს.

1931-1932წწ. მუშაობდა საპროექტო ინსტიტუტ "საქსახპროექტში" ინჟინერ კონსტრუქტორად; 1932-1933წწ. მუშაობდა სამშენებლო ტრესტ "საქმრეწვმშენში" ინჟინრად; 1933-1942წწ. საპროექტო ინსტიტუტ "საქსახპროექტში" მუშაობს ინჟინერ კონსტრუქტორად, უფროს ინჟინერ კონსტრუქტორად, საკონსტრუქტორო განყოფილების უფროსის მოადგილედ, პროექტის მთავარ ინჟინრად, ინსტიტუტის მთავარ ინჟინრად, დირექტორის მოადგილედ; 1942-1946წწ. იყო საქართველოს კპ ცკ სამრეწველო განყოფილების ინსტრუქტორი, სამრეწველო განყოფილების გამგის მოადგილე; 1946-1952წწ. იყო საქართველოს საშენ მასალათა მრეწველობის მინისტრი; 1952-1953წწ. საქართველოს საბინაო-სამოქალაქო მშენებლობის მინისტრი; 1953-1959წწ. მუშაობს საქართველოს მინისტრთა საბჭოს აპარატში, ჯერ მრეწველობისა და ტრანსპორტის განყოფილების უფროსად, შემდეგ კი მინისტრთა საბჭოს საქმეთა მმართველად; 1959-1962წწ. მუშაობდა საქართველოს მინისტრთა საბჭოსთან არსებული გაზიფიკაციის მთავარი სამმართველოს უფროსად; 1962-1977წწ. იყო საქართველოს საბინაო-კომუნალური მეურნეობის მინისტრი; წლების განმავლობაში მუშაობდა თბილისის საქალაქო საბჭოს აღმასკომის მთავარ სპეციალისტად, მრჩევლად; მნიშვნელოვანი წვლილი აქვს შეტანილი, როგორც საქართველოს საშენ მასალათა მრეწველობისა და კომუნალური მეურნეობის განვითარების საქმეში; საქართველოს რეგიონების საბინაო-კომუნალური ინფრასტრუქტურის ბაზის განვითარებაში; საპასუხისმგებლო ხელმძღვანელ თანამდებობებზე მუშაობის 30-წლიან პერიოდში იყო საქართველოს უმაღლესი საბჭოს შვიდი მოწვევის დეპუტატი; არაერთგზის იყო საქართველოს კპ ცენტრალური კომიტეტისა და სარევიზიო კომისიის წევრი; დაჯილდოებულია სხვადასხვა მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.474

• ოქტომბრის რევოლუციის ორდენი
• შრომის წითელი დროშის ორდენი
• წითელი ვარსკვლავის ორდენი
• საქართველოს დამსახურებული ინჟინერი