ანზორ პაიჭაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1951 წელს.

1958 წლამდე მუშაობდა ქ. კრასნოდარში სამუშაოთა მწარმოებლად; 1958-1960წწ. მუშაობდა საქართველოს მშენებლობისა და არქიტექტურის სახელმწიფო კომიტეტში ინჟინრად; 1960-1964წწ. საქართველოს სახელმწიფო კონტროლის კომიტეტში; 1964-1974წწ. იყო საქართველოს მშენებლობის სამინისტროს სამრეწველო საწარმოთა განყოფილების მთავარი სპეციალისტი, განყოფილების უფროსი, კოლეგიის წევრი; 1974-1983წწ. მუშაობდა რესპუბლიკური გაერთიანება "საქსოფლტექნიკის" თავმჯდომარის მოადგილედ; 1983 წელს, რეორგანიზებასთან დაკავშირებით, დაინიშნა რესპუბლიკის აგროსამრეწველო სახელმწიფო კომიტეტის კაპიტალური მშენებლობის მთავარი სამმართველოს უფროსად, იყო კოლეგიის წევრი; 1984 წლიდან მუშაობდა რესპუბლიკური გაერთიანება "საქკოლმეურნმშენის" თავმჯდომარედ და "საქაგრომშენის" თავმჯდომარის მოადგილედ; მნიშვნელოვანი წვლილი აქვს შეტანილი რესპუბლიკის სამრეწველო-სამოქალაქო, განსაკუთრებით, გადამამუშავებელი მრეწველობისა და სასოფლო-სამეურნეო დანიშნულების ობიექტების მშენებლობაში; მიღებული ჰქონდა სახელმწიფო ორდენები და მედლები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.474-475

• საქართველოს დამსახურებული ინჟინერი