გივი პეტრიაშვილი

დაბადების ადგილი: ქ. საჩხერე.

დაამთავრა საქართველოს პოლიტექნიკური ინსტიტუტის ელექტრომექანიკის ფაკულტეტი 1940 წელს.

მუშაობა დაიწყო თბილისის N31 დიმიტროვის სახელობის საავიაციო ქარხანაში; იყო ნავთობმომპოვებელი ტრესტ "საქნავთობის" მმართველი; ხელმძღვანელობდა თბილისის საქალაქო საბჭოს აღმასკომის სამშენებლო ტრესტ "ინჟმშენის" N2 სამმართველოსა და საქართველოს მინისტრთა საბჭოსთან არსებული სპეციალური და სამონტაჟო სამუშაოების მთავარი სამმართველოს "საქმონტაჟსპეცმშენის" სამონტაჟო ტრესტ "საქსანტექმონტაჟს"; ხელმძღვანელობდა ზესტაფონის ფეროშენადნობების, რუსთავის მეტალურგიული და ქუთაისის საავტომობილო ქარხნების, ტაბახმელის ბიოკომბინატის, შორაპნის ელექტროელემენტების ქარხნის, სასტუმრო "ივერიის", რესპუბლიკური საავადმყოფოს, უნივერმაღ "თბილისის", კულტურულ-საგანმანათლებლო და საკურორტო დანიშნულების ობიექტებისა და საცხოვრებელი სახლების მშენებლობაზე წარმატებულ სამონტაჟო სამუშაოების შესრულებას; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.478