რევაზ პეტრიაშვილი

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

მუშაობა დაიწყო საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენში" ინჟინრად, სამუშაოს მწარმოებლად, უბნის უფროსად; მუშაობდა საქართველოს სასოფლო მშენებლობისა და კავშირგაბმულობის სამინისტროებში; იყო სამშენებლო სამმართველოს მთავარი ინჟინერი, უფროსი, სამშენებლო ტრესტის მმართველის მოადგილე, მმართველი; 1993-1996წწ. საქართველოს მინისტრთა კაბინეტის ტრანსპორტისა და კავშირგაბმულობის განყოფილების უფროსის პირველი მოადგილეიყო; 1996 წლიდან საქართველოს ტრანსპორტის სამინისტროს სამშენებლო დეპარტამენტის უფროსი, ამავე სამინისტროს მთავარი სახელმწიფო მრჩეველი; მონაწილეობდა საქართველოს სახალხო მეურნეობის ისეთი მნიშვნელოვანი დარგების, როგორიცაა ქიმია და მეტალურგია, ობიექტების მშენებლობაში; მათ შორის: რუსთავის ქიმიური ბოჭკოს ქარხნის, მადნეულის სამთო-გამამდიდრებელი კომბინატის, გორის წისქვილკომბინატის და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.479