ინა მიმინოშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1973 წელს.

მუშაობა დაიწყო ჯერ კიდევ სტუდენტმა, საქართველოს კულტურის სამინისტროსთან არსებულ საპროექტო ინსტიტუტ "კულტპროექტში", სადაც მუშაობდა არქიტექტორად, პროექტის მთავარ არქიტექტორად, მთავარ სპეციალისტად, საპროექტო ინსტიტუტის მთავარ არქიტექტორად (1992 წლამდე); მისი ნამუშევრებიდან აღსანიშნავია: თბილისის მოზარდ მაყურებელთა თეატრის, სოხუმის კინო-საკონცერტო დარბაზ "აფსნის", თბილისის დიმიტროვის სახელობის ქარხნის კულტურის სახლის, მუსიკალური სკოლების, ბიბლიოთეკებისა და კულტურულ-საგანმანათლებლო დანიშნულების სხვა ობიექტების რეკონსტრუქციის პროექტები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.479-480

• საქართველოს არქიტექტორთა კავშირი, წევრი (1982-)