ანზორ პირველი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1961 წელს.

1963-1968წწ. მუშაობდა სამშენებლო ტრესტ "თბილგვირაბმშენში" სხვადასხვა თანამდებობებზე; 1968-1983წწ. თბილისის საქალაქო საბჭოს აღმასკომის მატერიალური ბალანსირების განყოფილების უფროსად, საგეგმო კომისიის თავმჯდომარის პირველ მოადგილედ; 1983-1984წწ. იყო თბილისის საქალაქო საბჭოს აღმასკომის სამშენებლო ტრესტ "თბილრემმშენისა" და 1987-1992წწ. "ინჟმშენის" მმართველი; 1992-1996წწ. მუშაობდა თბილისის ჩუღურეთის რაიონის გამგებლად; 1996-1997წწ. თბილისის მერიის ენერგეტიკის განყოფილების გამგედ; ხელმძღვანელობდა თბილისში, აჭარასა და კახეთში მნიშვნელოვან საინჟინრო ნაგებობათა (ხიდების, გზაგამტარების, გვირაბების) მშენებლობას, თბილისის ჩუღურეთის რაიონის ისტორიული იერსახის აღდგენა-რეგენერაციას; აქტიურად მონაწილეობდა თბილისის მეტროპოლიტენისა და დედაქალაქის არაერთი უნიკალური ჯანდაცვის, კულტურულ-საგანმანათლებლო და საბინაო-კომუნალური დანიშნულების ობიექტების მშენებლობაში; იყო თბილისის ისტორიული ნაწილის აღდგენა-რესტავრაციის ერთ-ერთი პირველი ორგანიზატორი; არჩეული იყო თბილისის საქალაქო საბჭოს რამდენიმე მოწვევის დეპუტატად; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.480

• საქართველოს დამსახურებული ინჟინერი