ომარ ჟვანია

დაბადების ადგილი: ქ. ოჩამჩირე, აფხაზეთის ავტონომიური რესპუბლიკა.

დაამთავრა ქ. ხარკოვის საინჟინრო-სამშენებლო ინსტიტუტი, თბოაირმომარაგების სპეციალობით და მიენიჭა მშენებელი ინჟინრის კვალიფიკაცია 1965 წელს.

მუშაობდა ქ. ყარაგანდის აირმომარაგების სამმართველოში, აირგამანაწილებელი სადგურის უბნის უფროსად; 1969 წლიდან მუშაობდა სპეციალიზებულ სამონტაჟო ტრესტ "საქსანტექმონტაჟის" სოხუმის სამონტაჟო სამმართველოს გაგრის უბნის სამუშაოთა მწარმოებლად, უფროს სამუშაოთა მწარმოებლად; 1972 წლიდან მუშაობა დაიწყო საქართველოს მშენებლობის სამინისტროს სამშენებლო ტრესტ "ბიჭვინთმშენის" სპეცსამონტაჟო სამმართველოს მთავარ ინჟინრად; 1976 წელს გადაიყვანეს საქართველოს კპ გაგრის საქალაქო კომიტეტის მშენებლობისა და მრეწველობის განყოფილების ინსტრუქტორად; 1978 წლიდან მუშაობდა განყოფილების გამგედ; 1984 წელს არჩეულ იქნა საქართველოს კპ ოჩამჩირის რაიონული კომიტეტის მეორე მდივნად; 1989 წელს დაინიშნა აფხაზეთის ავტონომიური რესპუბლიკის მშენებლობის საქმეთა სახელმწიფო კომიტეტის თავმჯდომარის პირველ მოადგილედ; 1990 წლიდან მუშაობდა ქ. მოსკოვის ხრუნიშჩევის სახელობის ქარხნის პანსიონატის მშენებლობის დირექციის დირექტორად ქ. გაგრაში; 1993 წლიდან მუშაობდა ქ. მოსკოვის ქარხანა "ჩატრეს" წარმოების უფროსად; 2000 წელს დაინიშნა რუსეთის ფედერაციული რესპუბლიკის მეცნიერებათა აკადემიის, მოსკოვის ქიმიური ფიზიკის ინსტიტუტის მთავარ ინჟინრად, სადაც მუშაობდა 2013 წლამდე; პროფესიული შრომითი საქმიანობის პერიოდში მონაწილეობდა და მნიშვნელოვანი წვლილი აქვს შეტანილი ქ. გაგრის ზონის საკურორტო კომპლექსების, კულტურულ-საგანმანათლებლო და საბინაო-კომუნალური დანიშნულების ობიექტების მშენებლობაში; ქ. გაგრის განაშენიანებისა და საქალაქო ინფრასტრუქტურის განვითარების საქმეში; მიღებული აქვს სახელმწიფო ჯილდოები; არაერთგზის არჩეული იყო გაგრის საქალაქო საბჭოსა და ოჩამჩირის რაიონული საბჭოს დეპუტატად.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.482-483