ვარლამ ჟირაქაძე

დაბადების ადგილი: სოფელი გელათი.

დაამთავრა საქართველოს ინდუსტრიული ინსტიტუტის სამთო ფაკულტეტი 1931 წელს.

1931 წლიდან მუშაობდა ბარიტის საბადოს მაღაროების მშენებლობისა და წიაღისეულის მოპოვების ტექნიკურ ხელმძღვანელად, მაღაროების დირექტორად (1946 წლამდე); 1946 წელს დაინიშნა ახალდაარსებული ბარიტის მაღაროთა ქუთაისის სამმართველოს დირექტორად; 1949-1957წწ. მუშაობდა საქართველოს ქვანახშირის მრეწველობის კომბინატის სისტემაში სხვადასხვა ხელმძღვანელ თანამდებობაზე; 1957 წლიდან განაგებდა საქართველოს მშენებლობის სამინისტროს N7 სამშენებლო ტრესტ "საქშახტმშენის" უსაფრთხოების ტექნიკის სამსახურს; იყო ტრესტის პროფკავშირის კომიტეტის თავმჯდომარე; უშუალოდ ხელმძღვანელობდა ბარიტის მაღაროების მშენებლობასა და ექსპლუატაციაში გაშვებას ქუთაისის მიმდებარე სოფლებში (ჟონეთი, წიფლარი, მექვენა); ახორციელებდა ტექნიკურ ზედამხედველობას ტყიბულისა და ტყვარჩელის მრავალი შახტის, ჭიათურის მანგანუმის მაღაროების, კვაისის თუთიის გამამდიდრებელი ფაბრიკის, ურავის დარიშხანის და წიაღისეულის მოპოვების სხვა ობიექტებზე; ხელმძღვანელობდა საქართველოს არაერთ რაიონში საცხოვრებელი სახლების, სამოქალაქო და სოციალურ-კულტურული დანიშნულების ობიექტების მშენებლობას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.484