თეიმურაზ ჟორჟოლიანი

დაბადების ადგილი: სოფელი მულახი, მესტიის რაიონი.

დაამთავრა როსტოვის პოლიტექნიკური ინსტიტუტის სამშენებლო ფაკულტეტი ინჟინერ მშენებლის კვალიფიკაციით 1971 წელს.

სხვადასხვა დროს მუშაობდა საქართველოს სასოფლო მშენებლობის სამინისტროს N8 სამშენებლო მოძრავ-მექანიზებული კოლონის მომარაგების განყოფილების უფროსად, სამუშაოთა მწარმოებლად (1969 წლიდან); 1972-1975წწ. დასასვენებელ სახლ "აგუძერას" (სოხუმი) დირექტორის მოადგილედ მშენებლობის დარგში; 1974-1976წწ. იყო აფხაზეთის ავტონომიური რესპუბლიკის საყოფაცხოვრებო მომსახურების სამინისტროს სარემონტო-სამშენებლო სამმართველოს მთავარი ინჟინერი; 1976-1993წწ. ამავე სამინისტროს ქ. სოხუმის საყოფაცხოვრებო მომსახურების სამმართველოს მთავარი ინჟინერი, სამმართველოს უფროსი; მისი მონაწილეობით აშენდა საცხოვრებელი სახლები, სკოლები, სხვადასხვა საყოფაცხოვრებო დანიშნულების ობიექტი, მათ შორის კავშირგაბმულობის სახლი ახალ ათონში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.486