თამარ მხეიძე

დაბადების ადგილი: სოფელი როკითი, ბაღდათის მუნიციპალიტეტი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი ზოოლოგიის სპეციალობით.

1990 წლამდე იყო თბილისის სახელმწიფო უნივერსიტეტის ლექტორი. აქტიურად მუშაობდა როგორც არაქნოლოგი (ზოოლოგიის ერთ-ერთი დარგი, რომელიც შეისწავლის ობობასნაირებს). თამარ მხეიძე იყო კავკასიის პირველი არაქნოლოგი. მისი სამენიერო კვლევის საგანი იყო საქართველოში ობობების პოპულაციის შესწავლა. ეკუთვნის 30-ზე მეტი სტატია და ერთი წიგნი საქართველოს ობობების შესახებ, სადაც აღწერა ობობების და მთიბავების 40 ახალი სახეობა. ზოოლოგი, საქართველოს პირველი არაქნოლოგი. ქართველი ლიმნოლოგის (ტბათმცოდნეობა) ლავროსი კუტუბიძის მეუღლე.

• საქართველოს ობობები (სისტემატიკა, ეკოლოგია, ზოოგეოგრაფ. მიმოხილვა) (ავტორი). - თბილისი, თბილ. უნ-ტის გამ-ბა, 1992. - 392გვ.
• ობობა და მისი ცხოვრება (ავტორი). - თბილისი, საბლიტგამი, 1947. - 19გვ.