დავით ჟღენტი

დაბადების ადგილი: სოფელი გუთური, ოზურგეთის რაიონი.

დაამთავრა საქართველოს პოლიტექნიკური ინსტიტუტის მექანიზაციის ფაკულტეტი 1934 წელს.

1963 წლამდე ემსახურებოდა ჰიდრომშენებლობის საქმეს; მუშაობდა ხრამის, სამგორის, ლაჯანურის, გუმათის, ტყიბულის, სიონის, ენგურის ჰიდროელექტროსადგურების მშენებლობებზე; გაიარა ყველა სამსახურებრივი საფეხური ინჟინრიდან მთავარ მექანიკოსამდე; 1945-1946წწ. რიგ საწარმოთა დემონტაჟის მიზნით, მივლინებული იყო გერმანიაში ჯგუფის ხელმძღვანელად; 1952-1953წწ. სათავეში ედგა სამშენებლო ტრესტ "საქჰიდროენერგომშენის" საგზაო მშენებლობისა და 1953-1962წწ. მექანიზირებულ სამუშაოთა სამმართველოებს; 1963 წლიდან მუშაობდა საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" სიტემაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.487

• შრომის წითელი დროშის ორდენი
• საქართველოს დამსახურებული ინჟინერი