გიორგი რამიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

1960-1978წწ. მუშაობდა საქართველოს მშენებლობის სამინისტროს სისტემაში მშენებელ ოსტატად, სამუშაოთა მწარმოებლად, ქარხნის დირექტორად, სამშენებლო სამმართველოს უფროსად; 1978-1984წწ. საქართველოს მინისტრთა საბჭოსთან არსებული ისტორიისა და კულტურის ძეგლთა დაცვისა და გამოყენების მთავარი სამეცნიერო სამმართველოს უფროსის მოადგილედ; 1984-1987წწ. იყო საქართველოს მშენებლობის სამინისტროს სამშენებლო გაერთიანება "თბილქალაქმშენის" მიწისქვსშა ნაგებობების ტრესტის მმართველი; 1987-1991წწ. ამავე გაერთიანების უფროსის მოადგილე; 1991-1994წწ. თბილისის საცხოვრებელი სახლებისა და სხვა სოციალური დანიშნულების ობიექტების მიმღები ორგანოს ხელმძღვანელი; 1994-1996წწ. მუშაობდა საართველოს მშენებლობისა და ურბანიზაციის სამინისტროს გაერთიანება "ტაძარმშენის" უფროსად; 1996-1997წწ. საქართველოს რკინიგზის დეპარტამენტის ტრესტ "გზამშენის" უფროსის მოადგილედ; 1997 წლიდან საქართველოს ნავთობის საერთაშორისო კორპორაციის სამშენებლო კომპანიის გენერალური დირექტორის მოადგილედ მშენებლობის დარგში; მისი მონაწილეობით აშენდა მთელი რიგი ქარხნები, საცხოვრებელი სახლები, საზოგადოებრივი დანიშნულების ობიექტები, სკოლები და საბავშვო ბაღები; ამ ობიექტებს შორის აღსანიშნავია: თბილისის ზ. ფალიაშვილის სახელობის ოპერისა და ბალეტის სახელმწიფო აკადემიური თეატრი (რეკონსტრუქცია); აქტიურად მონაწილეობდა მცხეთის ჯვრის, სვეტიცხოვლის, ქვათახევის, ყინწვისის, ბაგრატის, გელათის ტაძრების, შატილის, ჩაჟაშის, ერეკლე II თელავური სასახლის რეკონსტრუქციაში; ტექნიკის მეცნიერებათა კანდიდატი. დაჯილდოებულია საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.489

• საქართველოს უმაღლესი საბჭოს პრეზიდიუმის საპატიო სიგელი
• ღირსების ორდენი
• საქართველოს სახელმწიფო პრემია