ზაალ გოგსაძე

დაბადების ადგილი: ქ. ჭიათურა.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1979 წელს; თბილისის სახელმწიფო უნივერსიტეტის ასპირანტურა 1983 წელს.

1990-1993წწ. იყო საქართველოს საგარეო საქმეთა სამინისტროს ინფორმაციის დეპარტამენტის დირექტორი; 1993-1994წწ. საქართველოს საგარეო საქმეთა სამინისტროს პოლიტიკური დეპარტამენტის დირექტორის მოადგილე; 1994-1999წწ. გაეროსთან საქართველოს მუდმვი წარმომადგენლობის მრჩეველი, ნიუ-იორკი; 1999-2001წწ. საქართველოს საგარეო საქმეთა სამინისტროს საერთაშორისო ორგანიზაციების დეპარტამენტის დირექტორი; 2001-2002წწ. ბოსნია-ჰერცეგოვინაში გაეროს მისიის სამოქალაქო ოფიცერი, ბანია-ლუკა; 2003-2004წწ. საქართველოს საგარეო საქმეთა სამინისტროს საგანგებო დავალებათა ელჩი; 2004-2008წწ. საქართველოს საგანგებო და სრულუფლებიანი ელჩი იტალიის რესპუბლიკაში, აკრედიტებული მალტის რესპუბლიკასა და სან-მარინოს რესპუბლიკაში; 2013-2018წწ. საქართველოს საგანგებო და სრულუფლებიანი ელჩი ჩეხეთის რესპუბლიკაში; 2018 წლიდან საქართველოს საგანგებო და სრულუფლებიანი ელჩი უნგრეთში, აკრედიტებული ხორვატიის რესპუბლიკასა და მონტენეგროში. 2009-2012წწ. პოლიტიკური პარტია "თავისუფალი დემოკრატების" საბჭოს წევრი; 2012 წელს პოლიტიკური პარტია - "ქართული ოცნების" წევრი, სამოქალაქო მოძრაობა "ქართული ოცნების" თანადამაარსებელი; განსაკუთრებული მიღწევები აქვს 1992 წელს ევროპაში უსაფრთხოებისა და თანამშრომლობის თათბირის ჰელსინკის სამიტის (ჰელსინკი 2) მომზადებასა და მუშაობაში; 1999 წელს ეუთოს სტამბოლის სამიტის მომზადებასა და მუშაობაში საქართველოს დელეგაციის წევრის სტატუსით; 2000 წელს გაეროს ათასწლეულის სამიტის მომზადებასა და მუშაობაში საქართველოს დელეგაციის წევრის სტატუსით. გამოქვეყნებული აქვს რამდენიმე  ნაშრომი ქართულ და რუსულ სამეცნიერო ჟურნალებში; 1984-1991წწ. სტატიები და სხვა პუბლიცისტური წერილები ქართულენოვანი ჟურნალ-გაზეთებისათვის. 2013 წლიდან საქართველოს საგანგებო და სრულუფლებიანი ელჩი ჩეხეთის რესპუბლიკაში. ფილოლოგიის მეცნიერებათა კანდიდატი (1984). 

მინიჭებული აქვს საგანგებო და სრულუფლებიანი ელჩის დიპლომატიური რანგი (2000).

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.130; საქართველოს საგარეო საქმეთა სამინისტროს ვებ გვერდი: czech.mfa.gov.ge; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.61

• პოლიტიკური პარტია "თავისუფალი დემოკრატების" საბჭო, წევრი (2009-2012)
• პოლიტიკური პარტია "ქართული ოცნება", წევრი (2012-)