გიორგი რამიშვილი

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1980 წელს.

1980-1981წწ. მუშაობდა საპროექტო ინსტიტუტ "საქსოფლპროექტში" არქიტექტორად; 1981-1982წწ. თბილისის ზონალური ს/კ, ტიპური და ექსპერიმენტული პროექტირების ინსტიტუტ "თბილზნიიეპის" ბათუმის განყოფილების უფროს არქიტექტორად; 1982-1991წწ. აჭარის მშენებლობის საქმეთა სახელმწიფო კომიტეტის მთავარ არქიტექტორად; 1991-1996წწ. იყო აჭარის არქიტექტურისა და მშენებლობის სამინისტროს არქიტექტურის, ქალაქმშენებლობისა და ლიცენზირების განყოფილების უფროსი; 1997-1998წწ. აჭარის ურბანიზაციისა და მშენებლობის სახელმწიფო დეპარტამენტის თავმჯდომარის მოადგილე; 1998-2004წწ. მუშაობდა აჭარის ურბანიზაციისა და მშენებლობის მინისტრის მოადგილედ; 2004-2007წწ. აჭარის ქალაქმშენებლობის დეპარტამენტის თავმჯდომარედ; 2008-2012წწ. ხელმძღვანელობდა მის მიერ დაფუძნებულ არქიტექტურულ-საპროექტო კომპანია "სტოას"; 2012-2013წწ. იყო აჭარის ფინანსთა და ეკონომიკის სამინისტროსთან არსებული "აჭარის სივრცითი მოწყობის ჯგუფის" არქიტექტორი; ქალაქ ბათუმის მთავარი არქიტექტორი; მისი ნამუშევრებია: 160-ზე მეტი არქიტექტურული პროექტი; მათ შორის: ხის საცხოვრებელი სახლი ერთი ოჯახისთვის (1985, ლიუბლიანა, იუგოსლავია), ბათუმის ემბლემა და ქალაქში შესასვლელის არქიტექტურული მონუმენტი (1987), 96-ბინიანი საცხოვრებელი სახლი ბათუმში, ზ. გორგილაძის ქუჩაზე (1989, I პრემია), თავისუფლების მოედნის რეკონსტრუქცია და დიდების მემორიალი ბათუმის საძმო სასაფლაოზე (1990, I პრემია); 1991-1994წწ. კითხულობდა ლექციებს ბათუმის მრავალპროფილიან ჰუმანიტარულ კოლეჯში; 2010 წლიდან - სსიპ "ბათუმის ხელოვნების სასწავლო უნივერსიტეტში"; მონაწილეობდა ქალაქების ისტორიული უბნების რეგენერაცია-რეკონსტრუქციის, სანაპირო ტერიტორიების ინტეგრირებული მართვის, ურბანისტული ტერიტორიების დაგეგმარებისა და კულტურული მემკვიდრეობის მართვის საკითხებისადმი მიძღნილ ბულგარეთის (1988), თურქეთის (2003), აშშ-ისა (2004) და საფრანგეთის (2006) საერთაშორისო ტრეინინგებში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.489; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.277

• საქართველოს არქიტექტორთა და დიზაინერთა კავშირი, წევრი
• საქართველოს არქიტექტორთა კავშირის აჭარის ორგანიზაცია, ხელმძღვანელი (1995-1999)

• 1999 - ღირსების ორდენი
  საქართველოს ისტორიული და კულტურული ძეგლების რესტავრაციაში, თბილისის ძველი უბნების აღდგენასა და ქალაქმშენებლობის განვითარებაში შეტანილი პირადი დიდი წვლილისა და ნაყოფიერი მოღვაწეობისათვის
• საქართველოს დამსახურებული არქიტექტორი