მიხეილ რამიშვილი

დაბადების ადგილი: სოფელი ერკეთი, ჩოხატაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

სამხედრო სამსახურიდან მობილიზაციის შემდეგ მუშაობდა საავეჯო კომბინატ "განთიადში", სამშენებლო სამმართველოს მშენებელ-ოსტატად; 1963-1968წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N7 სამმართველოში სამუშაოთა მწარმოებლად; 1969 წლიდან მუშაობდა საქართველოს ხე-ტყისა და ხის გადამამუშავებელი მრეწველობის სამინისტროს სპეციალიზებულ სამშენებლო-სამონტაჟო სამმართველოში, სადაც იყო წარმოებისა და სამშენებლო უბნის უფროსი; 1988 წლიდან სათავეში ედგა "საქტრანსგაზის" სამშენებლო მასალების საწარმოს, 90-იან წლებში კი სამშენებლო-სამრეწველო სამმართველოს; 2000 წლიდან შპს "დიდგორს"; ხელმძღვანელობდა სამტრედიის მერქან-ბურბუშელოვანი ფილების კომბინატის რეკონსტრუქციას, ქუთაისის "დიდების მემორიალის", სანატორიუმის (წყალტუბოში) და სხვა ობიექტების მშენებლობას; მონაწილეობდა სასტუმრო "ივერიის" (თბილისში), "დიდგორის მემორიალისა" და სხვა ნაგებობების მშენებლობაში. დაჯილდოებულია საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.490