გიული რატიანი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962-1965წწ. მუშაობდა საპროექტო ინსტიტუტ "საქქალაქმშენსახპროექტის" განყოფილების ინჟინრად, უფროს ინჟინრად; 1965-1970წწ. მუშაობდა სამშენებლო ტრესტ "წყალმშენის" სისტემაში, ზემო ალაზნის სარწყავი სისტემის მშენებლობაზე სამუშაოთა მწარმოებლად, ალაზნის სათავე ნაგებობის მშენებლობის უბნის უფროსად; 1970-1971წწ. ხელმძღვანელობდა საქართველოს მშენებლობის სამინისტროს N2 სამშენებლო ტრესტის N2 სამმართველოს; 1971-1976წწ. ლიახვის კაშხლის სამშენებლო უბნის; 1976-1986წწ. სამშენებლო ტრესტ "კოლხეთმშენის" სამშენებლო სამმართველოს და 1986-2000წწ. გაერთიანება "საქსოფქიმიის" კაპიტალური მშენებლობის სამმართველოს; 2000 წლიდან მუშაობს ფირმა "მარსსა" და "საქართველო-აშშ 2004"-ში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.490-491