ვაჟა რევაზიშვილი

დაბადების ადგილი: სოფელი მოხისი, ქარელის რაიონი.

დაამთავრა თბილისის ინდუსტრიული ტექნიკუმი 1960 წელს; საქართველოს პოლიტექნიკური ინსტიტუტის სამშენებლო ფაკულტეტი 1965 წელს.

1964-1971წწ. მუშაობდა საქართველოს მშენებლობის სამინისტროს N12 სამშენებლო ტრესტის ბორჯომის სამშენებლო მსამმართველოში ტექნიკური განყოფილების ინჟინრად, სამუშაოთა მწარმოებლად, უფროს სამუშაოთა მწარმოებლად; 1971-1978წწ. ბაკურიანის N2 სამშენებლო სამმართველოს უფროსად; 1971-1995წწ. N83 და ბორჯომის მოძრავ-მექანიზებული კოლონების უფროსად; 1995-2002წწ. იყო სს "ბორჯომმშენის" დირექტორი; 2003 წლიდან დაკავებული იყო ინდმეწარმეობით; 2012 წლიდან არის ბორჯომის გამგეობის მთავარი სპეციალისტი მშენებლობის დარგში; ხელმძღვანელობდა ბორჯომის სასტუმრო "თბილისის", სანატორიუმ "მთის ხეობის", კომპოზიტორთა დასასვენებელი სახლის (პლატოზე), ნაპირსამაგრი კედლების (მდ. მტკვარზე), სკოლების, საბავშვო ბაღების, ბაკურიანის 90 და 70-მეტრიანი ტრამპლინების, ოლიმპიური ნაკრების საწვრთნელ-სავარჯიშო ცენტრის, პიონერთა ბანაკების, ადგილობრივი წყალსადენის, ამდეზიტის ქარხნის, საცხოვრებელი სახლების (ბორჯომში, ბაკურიანსა და სოფელ ლიკანში) მშენებლობას; მიღებული აქვს მრავალი სახელმწიფო ჯილდო, მათ შორის საქართველოს უმაღლესი საბჭოს პრეზიდიუმის საპატიო სიგელი; არის დაბა ბაკურიანის საპატიო მოქალაქე.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.491