ავთანდილ როხვაძე

დაბადების ადგილი: ვანის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1977 წელს; საქართველოს აგრარული უნივერსიტეტის ეკონომიკის ფაკულტეტი 1992 წელს.

პროფესიული საქმიანობის სხვადასხვა ეტაპზე მუშაობდა რიგ სამშენებლო ორგანიზაციებში; გაიარა თითქმის ყველა სამსახურებრივი საფეხური მშენებელი ოსტატიდან სამშენებლო სამმართველოს უფროსობამდე; იყო ევროპული ფირმების - "სიბას", "ნორგიკის", "სნფ"-ის, "ეკოპოლიმერის", "ალლეიდ სულიტუონის" და "სეენის" წარმომადგენელი დსთ-ს ქვეყნებში (წყალმომარაგებისა და გამწმენდი ნაგებობების მშენებლობა-რეკონსტრუქციის მიმართულებით); არის საერთაშორისო ექსპერტ-აუდიტორი ეკოლოგიის საკითხებში; ევროპულ ფირმებთან თანამშრომლობის პერიოდში მისი ხელმძღვანელობით შესრულდა და საექსპლუატაციოდ გადაიცა 28 სხვადასხვა ობიექტი, მათ შორის: 16 საკანალიზაციო და 12 სასმელი წყლის სისტემების; მრავალ ობიექტზე შესრულებული აქვს საპროექტო, სამონტაჟო და გამართვის სამუშაოები; მომზადებული აქვს საექსპერტიზო დასკვნები, საპროექტო დავალებები და მისი მონაწილეობით ჩატარებულია არაერთი ლაბორატორიული და საწარმოო კვლევები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.492-493