ჩისლა რუხაძე

დაბადების ადგილი: სოფელი კონტუათი, ხონის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1949 წელს.

1949-1954წწ. მუშაობდა სამშენებლო-სამონტაჟო ტრესტ "საქჰიდროენერგომშენის" სისტემაში, "ბაღნარჰესის" მშენებლობაზე (გაგრის რაიონი) მშენებელ-ოსტატად; 1954-1983წწ. საწარმოო სამშენებლო-სამონტაჟო გაერთიანება "საქჰიდროენერგომშენის" (ყოფილი ტრესტი "საქჰიდროენერგომშენი") გაგრის მოძრავ-მექანიზებული კოლონის მთავარ ინჟინრად, უფროსად; მისი ხელმძღვანელობითა და მონაწილეობით აშენდა: სანატორიუმ "გრუზიას" კომპლექსი, დასასვენებელი სახლები "ენერგეტიკი" და "ისკრა", 3000 მ საერთო სიგრძის საზღვაო ნაპირსამაგრი ნაგებობები, ასევე, მდინარეების - ფსოუს (ქ. გაგრის ზონაში), მზიმთას და მამაიკას (ადლერის რაიონისა და ქ. სოჭში), რთული საინჟინრო ნაგებობები, ქ. გაგრისა და ქ. სოხუმის შემოვლითი გზების მონაკვეთები; ტექნიკის მეცნიერებათა კანდიდატი; არჩეული იყო გაგრის სახალხო დეპუტატთა საქალაქო საბჭოს რამდენიმე მოწვევის დეპუტატად; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.494

• საქართველოს კპ გაგრის საქალაქო კომიტეტი, წევრი

• აფხაზეთის დამსახურებული ინჟინერი