ირინე საბაშვილი

დაბადების ადგილი: ქ. თბილისი. 

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1981 წელს.

1981-1991წწ. მუშაობდა თბილისის ზონალურ ს/კ, ტიპური და ექსპერიმენტული პროექტირების ინსტიტუტში ("თბილზნიიეპი") მეცნიერ-მუშაკად, წამყვან არქიტექტორად; 1991-2004წწ. საქართველოს ურბანიზაციისა და მშენებლობის სამინისტროს არქიტექტურისა და ქალაქმშენებლობის დეპარტამენტში, ქალაქმშენებლობის სამმართველოს წამყვან სპეციალისტად, უფროსის მოადგილედ; 2004-2005წწ. იყო საქართველოს ინფრასტრუქტურისა და რეგიონული განვითარების სამინისტროს საქალაქო მეურნეობის სამმართველოს უფროსი; 2005-2009წწ. საქართველოს კულტურის, ძეგლთა დაცვისა და სპორტის სამინისტროს ძეგლთა დაცვის დეპარტამენტში წარმოების ნებართვების და ექსპერტიზის სამმართველოს უფროსი; 2009 წლიდან არის საქართველოს კულტურული მემკვიდრეობის დაცვის ეროვნული სააგენტოს ნებართვებისა და მიმდინარე პროექტების კოორდინაციის სამსახურის მთავარი კოორდინატორი; 2011 წლიდან საქართველოს ტექნიკური უნივერსიტეტის არქიტექტურის, ურბანიზაციისა და დიზაინის ფაკულტეტის მოწვეული სპეციალისტი; მისი ძირითადი ნამუშევრებია: სამდონიანი ავტოსადგომი თბილისში, სპორტკომპლექსი (სამტრედიაში), ხარაგაულის რკინიგზის სადგურის შენობა, 15 და 25-ადგილიანი ზოგადი პროფილის საავადმყოფოები (ამბროლაურში, ბაღდათში, თიანეთში, სამტრედიაში, ბორჯომში, მცხეთაში, საგარეჯოში, ყაზბეგში, ბაკურიანსა და დუშეთში), დიღმის ჰოსპიტალური კლასტერის გენერალური სქემა (თბილისში), ზოგადი პროფილის 15, 25, 50, და 100-ადგილიანი საავადმყოფოების მოდელური პროექტები, ზოგადი პროფილის საავადმყოფოს (სოფ. ქურთაში), პირველადი ჯანდაცვის მილტიფუნქციური დაწესებულების, ინდივიდუალური და მრავალბინიანი საცხოვრებელი სახლების, ბაგა-ბაღის, პანსიონატების პროექტები და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.495

• საქართველოს არქიტექტორთა კავშირი, წევრი
• საქართველოს მშენებლობის ექსპერტთა ასოციაცია, წევრი