ახმედ ავნი-ფაშა ლორთქიფანიძე

დაბადების ადგილი: ქ. ბათუმი.

სამხედრო სასწავლებლის დამთავრების შემდგომ მონაწილეობდა (1914-1918) წლების პირველ მსოფლიო ომში. ომის დროს მსახურობდა ლაზისტანის სანჯაყის (თურქეთი) სამხედრო გუბერნატორად. ადგილობრივ მოსახლეობასთან ერთად შეაჩერა რუსეთის არმიის შეჭრა ოსმალეთის შიდა რაიონებში. მსახურობდა ოსმალეთის უკანასკნელი სულთნის ვაჰი ედდინის უფროს ადიუტანტად. 1919 წელს დაინიშნა სამხედრო-საზღვაო ფლოტის მინისტრად. ხელმძღვანელობდა თურქეთის რესპუბლიკის დამაარსებლის, ათათურქისა და მისი მეგობრების სამსუნში გაგზავნის ორგანიზებას. სიცოცხლის ბოლომდე იმყოფებოდა ყოფილი სულთნის-ვაჰიედდინის გვერდით. გენერალ-ლეიტენანტი.

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.159; საქართველო: ენციკლოპედია: ტ.5. -თბ.,2023. -გვ.425