გიორგი სალუქვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1966 წელს; მოსკოვის ქალაქმშენებლობის ცენტრალური ს/კ ინსტიტუტის ასპირანტურა 1976 წელს.

შრომითი საქმიანობა დაიწყო თბილისის ზონალურ ს/კ ტიპური და ექსპერიმენტული პროექტირების ინსტიტუტში ("თბილზნიეპი") არქიტექტორად, უფროს არქიტექტორად; 1977-1978წწ. მუშაობდა ამავე ინსტიტუტში სოფლის დასახლებული პუნქტების დაგეგმარება-განაშენიანების განყოფილებაში, არქიტექტურული ჯგუფის ხელმძღვანელად; 1978 წლიდან იყო საქართველოს პოლიტექნიკური ინსტიტუტის არქიტექტურის ფაკულტეტის კათედრის დოცენტი; 1979-1983წწ. - იმავე ფაკულტეტის დეკანი; 1983-1991წწ. აირჩიეს საქართველოს არქიტექტორთა კავშირის გამგეობის თავმჯდომარის პირველ მოადგილედ, თავმჯდომარედ; 1991 წელს დაინიშნა საქართველოს ტექნიკური უნივერსიტეტის ახალდაფუძნებული არქიტექტურის ინსტიტუტის დირექტორად; 1995 წლიდან იყო იმავე ინსტიტუტის პროფესორი და მისივე თაოსნობით დაარსებული საერთაშორისო ორგანიზაციის "შავი ზღვის რეგიონის არქიტექტორული ფორუმის" სამდივნოს ხელმძღვანელი; არის 30-ზე მეტი სამეცნიერო ნაშრომისა და პუბლიკაციის, მათ შორის, 3 მონოგრაფიისა და 1 მეთოდური მითითების, საკურსო პროექტების მოცემულობათა (ქალაქმშენებლობაში) კრებულის ავტორი; მისი ავტორობითა და თანაავტორობით დაპროექტდა 21 ობიექტი, მათგან 13 განხორციელებულია; საქართველოს ეკოლოგიის მეცნიერებათა აკადემიის არქიტექტურული განათლების საქართველოს ფონდის დამაარსებელი და თავმჯდომარე; აზერბაიჯანის არქიტექტურისა და მშენებლობის უნივერსიტეტის სადისერტაციო საბჭოს წევრი, საქართველოს არქიტექტორთა საბჭოს ეთიკის კომისიის თავმჯდომარე; სხვადასხვა დროს მონაწილეობდა თბილისის (1995 და 1997წწ.), გერმანიის (1979), პოლონეთის (1981), თურქეთის (1992, 1993 და 1996წწ.), ბულგარეთის (1996) საერთაშორისო კონფერენციებსა და სიმპოზიუმებში; ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.498-499; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.94

• აღმოსავლეთის ქვეყნების არქიტექტურის საერთაშორისო აკადემია, აკადემიკოსი
• რუსეთის საბუნებისმეტყველო მეცნიერებათა აკადემია, საქართველოს განყოფილების სწავლული მდივანი
• რუსეთის საბუნებისმეტყველო მეცნიერებათა აკადემია, აკადემიკოსი
• საქართველოს ეკოლოგიის მეცნიერებათა აკადემია, ვიცე-პრეზიდენტი
• საქართველოს საინჟინრო აკადემია, აკადემიკოს-მდივანი
• საქართველოს საინჟინრო აკადემია, აკადემიკოსი

• 1998 - ღირსების მედალი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის
• ღირსების ორდენი
• საქართველოს დამსახურებული არქიტექტორი

• მეთოდური მითითებები არქიტექტურის, ურბანისტიკისა და დიზაინის ფაკულტეტის ბაკალავრებისათვის (თანაავტორი). - თბილისი, ტექნ. უნ-ტი, 2009. - 24გვ.
• ქალაქთმშენებლობითი ეკოლოგია : სახელმძღვანელო სტუდენტებისათვის (ავტორი). - თბილისი, ტექნ. უნ-ტი, 2007. - 148გვ.