გიორგი სალუქვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1966 წელს; მოსკოვის ქალაქმშენებლობისა და არქიტექტურის სამეცნიერო კვლევითი ინსტიტუტის ასპირანტურა 1975 წელს.

1966-1972წწ. და 1977-1978წწ. იყო ამიერკავკასიის სამოქალაქო და საზოგადოებრივი შენობების, თბილისის ზონალურ სამეცნიერო-კვლევითი და საპროექტო ინსტიტუტის არქიტექტორი, უფროსი არქიტექტორი, ჯგუფის ხელმძღვანელი; 1972-1977წწ. ქალაქთმშენებლობის ცენტრალური სამეცნიერო კვლევითი ინსტიტუტის ასპირანტი; 1977-1994წწ. საქართველოს პოლიტიკური ინსტიტუტის არქიტექტურის ფაკულტეტის დოცენტი; 1978-1983წწ. საქართველოს პოლიტიკური ინსტიტუტის არქიტექტურის ფაკულტეტის დეკანი; 1983-1991წწ. საქართველოს არქიტექტორთა კავშირის თავმჯდომარის პირველი მოადგილე, შემდეგ არქიტექტრთა კავშირის თავმჯდომარე; 1991-2005წწ. საქართველოს ტექნიკური უნივერსიტეტის არქიტექტურის ინსტიტუტის დირექტორი; 1995-2002წწ. საერთაშორისო ორგანიზაციის "შავი ზღვის რეგიონის არქიტექტორთა ფორუმის" ერთ-ერთი დამაარსებელი და სამდივნოს დირექტორი; 2002-2004წწ. შემდგომ 2004 წელს თბილისის სახელმწიფო სამხატვრო აკადემიის არქიტექტურის ფაკულტეტის დიპლომების დაცვის სახელმწიფო კომისიის თავჯდომარე; 2006-2021წწ. საქართველოს ტექნიკური უნივერსიტეტის, არქიტექტურის, ურბანისტიკისა და დიზაინის ფაკულტეტის დეპარტამენტის უფროსი; 2022 წლიდან არის საქართველოს ტექნიკური უნივერსიტეტის არქიტექტურის, ურბანისტიკის და დიზაინის ფაკულტეტის არქიტექტურული ბიუროს ხელმძღვანელი; არქიტექტურის, ურბანისტიკის და დიზაინის ფაკულტეტის სრული პროფესორი (1995 წლიდან). არის მრავალი სამეცნიერო ნაშრომისა და პუბლიკაციის, მათ შორის, მონოგრაფიებისა და მეთოდური მითითების, საკურსო პროექტების მოცემულობათა (ქალაქმშენებლობაში) კრებულის ავტორი; მისი ავტორობითა და თანაავტორობით დაპროექტდა 26 არქიტექტურული ობიექტი, აქედან 18 ობიექტის პროექტი განხორციელებულია, მათ შორის თბილისში: "ექიმთა დახელოვნების ინსტიტუტის" შენობა ჭავჭავაძის გამზირზე, "პოლიტიკური განათლების სახლი" აღმაშენებლის გამზირზე (ორივე ავტორთა ჯგუფთან ერთად), საქართველოს ტექნიკური უნივერსიტეტის ცენტრალური ბიბლიოთეკის განახლების პროექტი, საქართველოს ტექნიკური უნივერსიტეტის ადმინისტრაციული კორპუსის ინტერიერების პროექტები (ჯგუფთან ერთად), სტუ-ს აგრარული ფაკულტეტის რძისა და ღვინის ლაბორატორიების პროექტი (რ. ნეფარიძესთან და ნ. ხვედელიანთან ერთად), სტუ-ს II კორპუსის ფასადის რეაბილიტაციის პროექტი (რ. ნეფარიძესთან ერთად), სტუ-ს VII კორპუსის რეაბილიტაციის პროექტი (რ. ნეფარიძესთან ერთად); მისი პუბლიკაციები ეხება ისეთ პრობლემურ საკითხებს, როგორიცაა "ქალაქი და ეკოლოგია"; ამ თემაზე გამოქვეყნებული აქვს არაერთი სამეცნიერო სტატია; 1973 წლიდან მონაწილეობს ადგილობრივ და საერთაშორისო კონფერენციებში. არქიტექტურის მეცნიერებათა კანდიდატი (1976), არქიტექტურის მეცნიერებათა დოქტორი (2004), პროფესორი (1995).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.498-499; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.94; საქართველოს ტექნიკური უნივერსიტეტის არქიტექტურის, ურბანისტიკის და დიზაინის ფაკულტეტის ვებ-გვერდი: my.gtu.ge

• აზერბაიჯანის არქიტექტურისა და მშენებლობის უნივერსიტეტის სადისერტაციო საბჭო, წევრი (2004-)
• აზერბაიჯანის არქიტექტურისა და მშენებლობის უნივერსიტეტში გამომავალი ჟურნალის "Urbanizm"-ის რედკოლეგია, წევრი
• არქიტექტურაში საერთაშორისო ეკოენერგიის აკადემია, წევრი (2015-)
• აღმოსავლეთ ქვეყნების არქიტექტურის აკადემია, ნამდვილი წევრი, აკადემიკოსი (2000-)
• ევროპის საბუნებისმეტყველო მეცნიერებათა აკადემია, წევრი, აკადემიკოსი (2023-)
• თბილისის სახელმწიფო სამხატვრო აკადემიის პროფესორთა საბჭო, წევრი (1995-1999)
• თბილისის ქალაქთამშენებლობითი საბჭო, წევრი (1990-2002)
• რუსეთის საბუნებისმეტყველო მეცნიერებათა აკადემია, უცხოელი წევრი, აკადემიკოსი (2002-)
• სამეცნიერო ჟურნალ "ბიზნეს ინჟინერინგის" სარედქციო კოლეგია, წევრი
• საქართველოს არქიტექტორთა და მშენებელთა ენციკლოპედიის სარედქციო კოლეგია, წევრი
• საქართველოს არქიტექტორთა კავშირი, წევრი (1970-)
• საქართველოს ეკოლოგიური აკადემია, ვიცე-პრეზიდენტი (2005-2015)
• საქართველოს ეკოლოგიური ექსპერტიზის საზოგადოება, დირექტორატის წევრი (2005-)
• საქართველოს საბუნებისმეტყველო მეცნიერებათა აკადემია, აკადემიკოსი, აკადემიის სწავლული მდივანი (2003-2022) (2003-)
• საქართველოს საინჟინრო აკადემია, აკადემიკოს-მდივანი (2007-)
• საქართველოს ტექნიკური უნივერსიტეტის აკადემიური საბჭო, წევრი, საბჭოს სწავლური მდივანი (2006-2022)
• საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტის სამეცნიერო-ტექნიკური ჟურნალის "არქიტექტურისა და ქალათმშენებლობის თანამედროვე პრობლემები"-ს სარედაქციო კოლეგია, წევრი
• საქართველოს ტექნიკური უნივერსიტეტის წიგნის "ჩვენი მატიანე, ხელოვნება და სპორტი საქართველოს ტექნიკურ უნივერსიტეტში"-ს რედაქცია, წევრი და თანაავტორი
• საქართველოს ტექნიკური უნივერსიტეტისადმი მიძღვნილი ფუნდამენტური ნაშრომის "სტუ-ს მოვლენები, ფაქტები" რედაქცია, წევრი

• 2025 - საქართველოს არქიტექტორთა კავშირის დიდი ოქროს მედალი
  არქიტექტურულ საქმნიანობაში შეტანილი წვლილისთვის
• 2022 - საერთაშორისო კონკურსი საქართველოს ტექნიკური უნივერსიტეტის 100 წლის იუბილესადმი მიძღვნილ არქიტექტურულ-სკულპტურული კომპოზიცია (I ხარისხის პრემია არქიტექტორ რ. ნეფარიძის თანაავტორობით)
• 2022 - არქიტექტურის რაინდის წოდება
• 2015 - არქიტექტურის საერთაშორისო ასოციაიის მედალი
  პედაგოგიურ და პრაქტიკულ მოღვაწეობაში შეტანილი მნიშვნელოვანი წვლილისთვის
• 2015 - საქართველოს ეროვნულ მეცნიერებათა აკადემიის საპატიო სიგელი იუნესკოს მიერ დაწესებულ მეცნიერების მსოფლიო დღესთან დაკავშირებით
  არქიტექტურის დარგში სამეცნიერო მოღვაწეობისთვის
• 2015 - ოზურგეთის საპატიო მოქალაქე
• 2013 - ღირსების ორდენი
• 2004 - საქართველოს დამსახურებული არქიტექტორი
• 2004 - ღირსების ორდენი
• 2003 - ღირსების მედალი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის
• 2002 - კონკურსი "ქ. თბილისის პერსპექტიული განვითარების ქალაქთმშენებლობითი კონცეფცია" (III ხარისხის პრემია, თბილისი)

• ურბოეკოლოგია (თანაავტორი). - თბილისი, 2024
• მეთოდური მითითებები არქიტექტურის, ურბანისტიკისა და დიზაინის ფაკულტეტის ბაკალავრებისათვის (თანაავტორი). - თბილისი, ტექნ. უნ-ტი, 2009. - 24გვ.
• ქალაქთმშენებლობითი ეკოლოგია : სახელმძღვ. სტუდ. (ავტორი). - თბილისი, ტექნ. უნ-ტი, 2007. - 148გვ.. - ISBN: 999405774X
• ქალაქთმშენებლობითი ეკოლოგია : სახელმძღვანელო სტუდენტებისათვის (ავტორი). - თბილისი, ტექნ. უნ-ტი, 2007. - 148გვ.
• 100 ტესტური კითხვა და პასუხი ეკოლოგიაში (ავტორი). - თბილისი, ტექნ. უნ-ტი, 2005. - 47გვ.. - ISBN: 999404866X
• მეთოდური მითითებები და საკურსო პროექტების მოცემულობები ქალაქთმშენებლობაში : არქიტექტურის სპეციალობის სტუდენტებისათვის (თანაავტორი). - თბილისი, 1982. - 39გვ.