მამუკა სალუქვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1986 წელს.

1987-1994წწ. იყო საქართველოს ისტორიიის, კულტურისა და ბუნების ძეგლთა დაცვის და გამოყენების მთავარი სამმართველოს საბაღე-საპარკო ხელოვნების ძეგლთა სექტორის უფროსი; 1994-2005წწ. მუშაობდა ქ. თბილისის მერიის გარემოს დაცვის კომიტეტის სახელმწიფო ეკოლოგიური ექსპერტიზის განყოფილების უფროსად; 2006-2007წწ. იყო ქ. თბილისის მერიის ურბანული დაგეგმარების სამსახურის ურბანული ეკოლოგიის განყოფილების უფროსი; 2014-2015წწ. მუშაობდა ქ. თბილისის მერიის ეკონომიკური პოლიტიკის საქალაქო სამსახურის ქალაქის განვითარების განყოფილების უფროსად; 2015 წლიდან ქ. თბილისის მიწათსარგებლობის გენერალური გეგმის შემუშავების საერთაშორისო კონკურსში გამარჯვებული ორგანიზაციის - "სითი ინსტიტუტი საქართველოს" დამფუძნებელი და დირექტორია; 2012 წელს მიენიჭა არქიტექტურის დოქტორის ხარისხი; არის სამეცნიერო სტატიების ავტორი, სხვადასხვა წლებში მონაწილეობდა თბილისში მრავალი ურბანული პროექტის დაგეგმვასა და განხორციელებაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.499

• საქართველოს არქიტექტორთა კავშირი, წევრი (2014-)

• თბილისის არქიტექტურის და ქალაქთმშენებლობის თანამედროვე პრობლემები : სამეცნ. კონფერენციის თეზისები (თანაავტორი). - თბილისი, ტექნ. უნ-ტი, 2010. - 50გვ. . - ISBN: 978-9941-14-838-5