ლერი მაჩაიძე

დაბადების ადგილი: ქ. თბილისი.

დაამთავრა საკავშირო კინემატოგრაფიის ინსტიტუტის (ვგიკ) საოპერატორო ფაკულტეტი 1978 წელს.

1960 წლიდან მუშაობს "ქართულ ფილმში". როგორც დამდგმელმა ოპერატორმა მუშაობა დაიწყო ახალგაზრდა რეჟისორთა მ/მ ფილმებით: "შადრევანი" (თ. ბაქრაძე, 1972), "ზღვარი" (თ. გომელაური, 1973), "ლახტი" (ბ. რაჭველიშვილი, 1973), "თბილისური ეტიუდები" (ი. ასათიანი, 1974). გადაიღო რევაზ გაბრიაძის კინონოველები: "კავკასიური რომანსი" (1975), "მწვერვალთა დამპყრობნი" (1977), "ლიმონის ტორტი" (1977); თანამშრომლობდა რეჟისორებთან: გ. მატარაძესთან -"გოლა" (1980), "მოთხრობები პირველ სიყვარულზე" (1981), "ყველაზე სწრაფები" (1988); დ. ჯანელიძესთან - "ვერსათრიელა" (1982), "დედუნა" (1985), "მდგმურები" (1989), "ციხე-სიმაგრე" (1993); გ. შენგელაიასთან -  "ქვიშანი დარჩებიან" (ა. მღებრიშვილთან ერთად, 1976) და "ხარება და გოგია" (1987); ა. ცაბაძესთან - "ღამის ცეკვა" (1991); ნ. მანაგაძესთან - "ანგელოზის გადაფრენა" (2000). გადაღებული აქვს "ბათა ქექია" (ლ. გორდელაძე, 1978), "წერილები ბამიდან" (თ. ფალავანდიშვილი, 1980), "წითელი ხაზი" (მ. კიკნაძესთან ერთად / დ. სხირტლაძე, 1983), "უკვდავების თეთრი ვარდი" (ნ. მჭედლიძე, 1984), "გზა ჩალაურისკენ" (ა. შანშიაშვილი, 1994). მიღებული აქვს საკავშირო კინო ფესტივალის პრიზი "ოქროს არწივი" ოპერატორის საუკეთესო ნამუშევრისთვის (1993); ქართული კინოაკადემიის პრემია "ნატო", (1997). კინოოპერატორი.

წყარო: ქართული კონო, 1896-2011.- თბ., 2011.- გვ.129; ეროვნული ფილმოგრაფიის პორტალი: geocinema.ge; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 599-600