თენგიზ სანიკიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1963-1964წწ. მუშაობდა სამშენებლო ტრესტ "თბილმეტრომშენში" ბეტონის სამუშაოების ლაბორანტად; 1964-1965წწ. საქართველოს მშენებლობის სამინისტროს ტრესტ "საქმშენინდუსტრიაში" მშენებელ ოსტატად; 1965-1982წწ. იყო იმავე სამინისტროს ცენტრალურ-ნორმატიული საკვლევი ორგანიზაციის სისტემაში სხვადასხვა თანამდებობაზე; ასევე, დირექტორი; 1982-1986წწ. მუშაობდა საწარმოო გაერთიანება "თბილწყალკანალის" უფროსის მოადგილედ მშენებლობის დარგში; 1986-1991წწ. სამშენებლო ტრესტ "საქკურორტმშენის" მთავარ ინჟინრად; 1991-1995წწ. სს "ტრესტ N13"-ის სამეთვალყურეო საბჭოს თავმჯდომარედ; 1995-1999წწ. სამშენებლო ფირმა "ლომბადას" მთავარ მშენებლად; 1999-2010წწ. იყო შპს "კურორტმშენის" დირექტორი; 2010 წლიდან სათავეში ჩაუდგა შპს "კურორტპროექტს"; ხელმძღვანელობდა არაერთი მსხვილი საკურორტო და ტურისტული ობიექტის, მათ შორის, ცხრასართულიანი სასტუმრო "ბახტრიონის" კომპლექსის მშენებლობას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.501