ზაირა სარაჯიშვილი

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტი 1959 წელს; თბილისის ენერგეტიკისა და ჰიდროტექნიკურ ნაგებობათა ს/კ ინსტიტუტის ასპირანტურა 1972 წელს.

1959-1960წწ. მუშაობდა ქ. ორიოლში (რუსეთი), სასოფლო მშენებლობის საკავშირო ს/კ ინსტიტუტში; 1961-1970წწ. თბილისის ჰიდროტექნიკურ ნაგებობათა საპროექტო ინსტიტუტ "ჰიდროენერგოპროექტის" "ენგურჰესის" განყოფილების მთავარ ინჟინრად; 1973-1976წწ. თბილისის ენერგეტიკისა და ჰიდროტექნიკურ ნაგებობათა ს/კ ინსტიტუტის მეცნიერ-თანამშრომლად; 1976-1999წწ. საქართველოს სამშენებლო მასალების ს/კ ინსტიტუტის ჯგუფის ხელმძღვანელად, წამყვან მეცნიერ-თანამშრომლად; არის საქართველოსა და საზღვარგარეთ გამოქვეყნებული 50-მდე სამეცნიერო ნაშრომის ავტორი; ინსტიტუტის მეცნიერ-თანამშრომელთა ჯგუფთან ერთად დაამუშავა მაღალი სიმძლავრის ჰესის შეკიდული ტიპის ჰიდროგენერატორის წრიული ღრუტანიანი საყრდენ-გარსაცმის რკინაბეტონის კონსტრუქციის დინამიკური დატვირთვის საანგარიშო ორიგინალური მეთოდიკა (დაინერგა "ენგურჰესის" მშენებლობაზე 1966-1970წწ.); 1986-1995წწ. იყო საქართველოს პოლიტექნიკური ინსტიტუტის მაღალი აეროლოგიისა და შრომის დაცვის კათედრის თანამშრომელი; კითხულობდა ლექციებს სამშენებლო ფაკულტეტის სხვადასხვა სპეციალობებზე; მუშაობდა დიპლომების დაცვის კომისიებში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.504

• საქართველოს საინჟინრო აკადემია, წევრი