ვახტანგ საყვარელიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს; თბილისის ენერგეტიკისა და ჰიდროტექნიკურ ნაგებობათა ს/კ ინსტიტუტის ასპირანტურა 1967 წელს.

1964 წლიდან მუშაობდა საპროექტო ინსტიტუტ "ჰიდროპროექტის" თბილისის განყოფილებაში ვარდნილი ჰესების პროექტირებაზე ინჟინრად; 1967-1971წწ. თბილისის ენერგეტიკისა და ჰიდროტექნიკურ ნაგებობათა ს/კ ინსტიტუტის მეცნიერ-თანამშრომლად; 1971 წლიდან ჰიდრავლიკისა და ჰიდროდინამიკის ლაბორატორიის გამგედ; 1981 წელს საქართველოს მინისტრთა საბჭოსთან არსებული სამეცნიერო-საწარმოო გაერთიანება "საქნაპირდაცვის" შექმნისთანავე დაინიშნა გენერალური დირექტორის მოადგილედ სამეცნიერო ნაწილში; 1992 წელს - იმავე გაერთიანების გენერალურ დირექტორად; 1993 წლიდან იყო გაერთიანება "საქნაპირდაცვის" სამართალმემკვიდრის, საქართველოს ურბანიზაციისა და მშენებლობის სამინისტროს, ზღვისა და მდინარეების სანაპიროთა მორფოდინამიკის ს/კ ინსტიტუტ "სანდის" გენერალური დირექტორი; იყო შავი ზღვის სანაპირო ზოლის ახალი მეთოდით დაცვის ღონისძიებათა შემუშავება-დანერგვის ერთ-ერთი ფუძემდებელი, წარეცხვისგან საქართველოს შავი ზღვის სანაპირო ზოლის დაცვის გენერალური სქემის ავტორი; იყო საქართველოს შავი ზღვის სანაპიროს ადრე წარეცხილი პლაჟების აღგენის აქტიური მონაწილე XX საუკუნის 80-იან წლებში; დიდი წვლილი აქვს შეტანილი ახალი პლაჟების შექმნისა და მათი დაცვის საქმეში; სათავეში ედგა ქვეყანაში ერთ-ერთი უდიდესი ტალღური აუზის მშენებლობას, რომელშიც სივრცულ ფიზიკურ მოდელზე გამოიცადა ბიჭვინთის კონცხისა და ფოთის სანაპირო ზოლის დინამიკა, დადგინდა სხვადასხვა ნაპირდამცავ ჰიდროტექნიკურ ნაგებობათა ეფექტურობა; წლების განმავლობაში ეწეოდა პედაგოგიურ მოღვაწეობას საქართველოს ტექნიკური უნივერსიტეტის ჰიდროტექნიკის ფაკულტეტზე, კითხულობდა ლექციებს კონტინენტალური შელფის ნაგებობებისა და პორტების საკითხებზე; ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.505

• საქართველოს ენერგეტიკის, ეროვნული აკადემიისა და ჰიდრავლიკოსთა საერთაშორისო ასოციაცია, ეროვნული კომიტეტის წევრი