ნიკოლოზ სეთურიძე

დაბადების ადგილი: სოფელი სეთურები, დუშეთის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

1960-1965წწ. მუშაობდა ყაზახეთის ქ. პავლოდარში, თბოელექტროსადგურების, ალუმინის ქარხნის და სხვა სამრეწველო ობიექტების მშენებლობაზე; 1965 წლიდან მუშაობდა სმოლენსკის ოლქში მეორე მსოფლიო ომის დროს დაზიანებული ქალაქების აღდგენაზე; იყო სამშენებლო სამმართველოს მთავარი ინჟინერი, სამმართველოს უფროსი, ტრესტის მთავარი ინჟინერი, ტრესტის მმართველი; 1967 წლიდან მუშაობდა ავტოქარხანა "კამაზ"-ის მშენებლობაზე; 1977 წელს, საქართველოში დაბრუნების შემდეგ, დაინიშნა საქართველოს მშენებლობის სამინისტროს გაერთიანება "საქსპეცმშენის" უფროსის პირველ მოადგილედ; 1978 წელს გადაიყვანეს იმავე სამინისტროს N1 სამშენებლო ტრესტ "ამიერკავკასმეტალურგმშენის" მმართველის მოადგილედ; 1979-1992წწ. მუშაობდა საკავშირო დაქვემდებარების სპეციალიზებული სამშენებლო-სამონტაჟო გაერთიანება "საქმთავარმონტაჟმშენის" უფროსის მოადგილედ; სხვადასხვა პერიოდში მონაწილეობდა ქალაქების - გაგარინის, ვიაზმის, იგორევკას სამრეწველო-სოციალური ინფრასტრუქტურის აღდგენაში; თბილისის ელმავალმშენებელი და ზესტაფონის ფეროშენადნობთა (რეკონსტრუქცია), ქუთაისის მცირეგაბარიტიანი ტრაქტორებისა და სასოფლო-სამეურნეო დანიშნულების სატვირთო ავტომობილების ქარხნების, ცხინვალის ტრიკოტაჟისა და ჭიათურის მანგანუმის გამამდიდრებელი ფაბრიკების, საჩხერის ბამბეულის კომბინატის მშენებლობაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.506

• საპატიო ნიშნის ორდენი
• ყაზახეთის დამსახურებული ინჟინერი
• საქართველოს დამსახურებული ინჟინერი