გიორგი სიდამონიძე

დაბადების ადგილი: ქ. გორი.

დაამთავრა ტფილისის პრაპორშჩიკთა I სკოლა 1915 წელს.

მონაწილეობდა (1914-1918) პირველ მსოფლიო ომში. მსახურობდა 299-ე ქვეით პოლკში. მეფის არმიაში ბოლო მისი სამხედრო წოდებაა შტაბს-კაპიტანი. 1918 წლიდან მონაწილეობდა სამოქალაქო ომში აღმოსავლეთის ფრონტზე თეთრების მხარეზე. მსახურობდა I სახალხო პოლკში, ხოლო მოგვიანებით მე-13 პოლკში ქ. უფაში. 1918 წლიდან კაპიტნის წოდება მიენიჭა, ხოლო 1919 წლიდან პოდპოლკოვნიკის. 1919 წლის 15 დეკემბრიდან ქ. უფის მე-13 პოლკის მეთაურია. ციმბირის "დიდი ყინულოვანი" ლაშქრობის მონაწილეა. 1920 წლის 12 მარტს მიენიჭა პოლკოვნიკის სამხედრო წოდება. 1920 წლის 15 ნოემბრიდან მეთაურობდა უფის მე-2 დივიზიას, რომელთანაც ერთად გაიარა იმიერბაიკალი და ზღვისპირეთი. 1921 წლის მარტიდან კვლავ მეთაურობდა უფის მე-4 პოლკს. მონაწილეობდა ხაბაროვსკის ლაშქრობაში. ორჯერ იყო დაჭრილი ბრძოლებში. 1922 წლის 2 ნოემბერს თეთრი არმიის ბოლო ნაწილებთან ერთად გადავიდა ჩინეთში. ემიგრაციაში ცხოვრობდა ქ. გირინში. 1923 წელს შევიდა მარშალ ჩჟან ცოლინის არმიაში, სადაც მას 27 წლის ასაკში მიენიჭა გენერალ-მაიორის სამხედრო წოდება და დაინიშნა შანდუნის დივიზიის, რუსული ბრიგადის მეთაურად, რომელიც დაკომპლექტებული იყო თეთრ არმიაში ადრე ნამსახურები მოხალისეებით. 1927 წლიდან მეთაურობდა ჩინეთის არმიის ქვეითთა გაერთიანებულ ძალებს. 23 წელი იმსახურა "მანჩჟოუ-გოს" არმიაში. 1926 წელს დაჯილდოვდა ჩინეთის "დიდი თავთავის" ორდენით. 1945 წლიდან საცხოვრებლად აშშ-ში, ქ. სან-ფრანცისკოში გადავიდა. გენერალ-მაიორი (1923).

წყარო: სამხედრო ფიცის ერთგულნი: ქართველი გენერლები / მამუკა გოგიტიძე.-თბ., 2015.-გვ.184

• წმინდა ვლადიმირის IV ხარისხის ორდენი