ნოშრევან სიგუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

შრომითი საქმიანობა დაიწყო საართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" საწარმოო პროექტირების ჯგუფში, შემდეგ ტექნიკურ განყოფილებაში ჯგუფის უფროსის მოადგილედ; მუშაობდა უშუალოდ მშენებლობაზე სამუშაოთა მწარმოებლად, უბნის უფროსად; 1965-1967წწ. მონაწილეობდა ქ. ტაშკენტის აღდგენით სამუშაოებში, საქართველოს სამშენებლო ორგანიზაციის მთავარ ინჟინრად; 1969-1972 წწ. იყო საქართველოს მშენებლობის სამინისტროს N1 სამშენებლო ტრესტის N9 სამშენებლო სამმართველოს მთავარი ინჟინერი; 1972-1976 წწ. მივლინებული იყო ავღანეთშის რესპუბლიკაში აზოტოვანი სასუქების ქარხნის მშენებლობაზე საბჭოთა სპეციალისტების ჯგუფის ხელმძღვანელის მოადგილედ; 1976-1980 წწ. მუშაობდა საქართველოს ადგილმრეწველობის სამინისტროს საკონსტრუქტორო საპროექტო-ტექნოლოგიური ინსტიტუტის მთავარ ინჟინრად; 1980-1987 წწ. საქართველოს მინისტრთა საბჭოს მშენებლობის განყოფილების უფროს რეფერენტად; 1987-1996 წწ. მშენებლობის განყოფილების გამგის მოადგილედ; 1997-2005 წწ. იყო საქართველოს ურბანიზაციისა და მშენებლობის სამინისტროსთან ერსებული სახელმწიფო ლიცენზირების ცენტრის მთავარი სპეციალისტი. დაჯილდოებულია ავღანეთში სსრ კავშირის საელჩოს საპატიო სიგელით; საქართველოს უმაღლესი საბჭოს პრეზიდიუმის სიგელით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.509