რევაზ სიგუა

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის საექსპლუატაციო ფაკულტეტი; პოლიტექნიკური ინსტიტუტის სატრანსპორტო ფაკულტეტის ასპირანტურა 1965 წელს.

მუშაობდა კავკასიის სახელმწიფო საპროექტო-საკვლევ ინსტიტუტ "კავგიპროტრანსის" სადგურებისა და კვანძების განყოფილების ინჟინრად, განყოფილების გამგედ; 1973 წლიდან (25 წლის განმავლობაში) მუშაობდა ამავე ინსტიტუტის მთავარ ინჟინრად; 1982-1984წწ. მივლინებული იყო სირიაში "ალეპო-დამასკოს" რკინიგზის მშენებლობაზე საავტორო ზედამხედველობის კონტრაქტის ხელმძღვანელად; 1998 წლიდან შპს "საქართველოს რკინიგზის" სამეცნიერო-ტექნიკური პროგრესისა და ინფორმატიკის სამსახურის მთავარი ინჟინერია; მონაწილეობდა კავკასიის რეგიონში მსხვილი სარკინიგზო კვანძების დაპროექტება-მშენებლობაში; მისი ხელმძღვანელობით დამუშავდა "მეშხედ-სერახსის" (ირანი) ახალი რკინიგზა (ექსპლუატაციაში გადაიცა 1995 წელს) და "საქართველო-თურქეთის" დამაკავშირებელი სარკინიგზო ხაზის ტექნიკურ-ეკოლონომიკური მოსაზრება; მიღებული აქვს არაერთი სახელმწიფო ჯილდო, 2002 წელს N1278 განკარგულებით გამომეცხადა საქართველოს პრეზიდენტის მადლობა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.509-510

• საპატიო რკინიგზელი
• საპატიო ნიშნის ორდენი