თეიმურაზ სილაგაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1973 წელს.

1973-1985წწ. მუშაობდა საქართველოს მეცნიერებათა აკადემიის კ. ზავრიევის სახელობის სამშენებლო მექანიკისა და სეისმომედეგობის ინსტიტუტის მეცნიერ-თანამშრომლად; 1989-1993წწ. ამიერკავკასიის სატრანსპორტო მშენებლობის სპეციალიზებული სამშენებლო ტრესტის "ამიერკავკასტრანსმშენის" (შემდგომში - "საქტრანსმშენის") მმართრველის მოადგილედ წარმოების დარგში; 1993-2003წწ. იყო პრივატიზაციის სპეციალიზებული საბარათო საინვესტიციო ფონდის სს "ჯორჯიანტრანზოილინვესტის" დირექტორი, ფირმა "არგოტურის" დირექტორის მოადგილე, სს "ქიმპოლიმერის" გენერალური დირექტორის მოადგილე; 2003 წლიდან მუშაობდა საქართველოს ურბანიზაციისა და მშენებლობის სამინისტროში მშენებლობის, მშენინდუსტრიისა და საშენ მასალათა წარმოების დეპარტამენტის თავმჯდომარის მოადგილედ, ხოლო სამინისტროში ჩატარებული სტრუქტურული რეორგანიზაციის შემდეგ, მეცნიერებისა და კოორდინაციის დეპარტამენტის უფროსის პირველ მოადგილედ; მონაწილეობდა კულტურულ-საყოფაცხოვრებო და სოციალური დანიშნულების არაერთი ობიექტის, სარკინიგზო ხაზების მშენებლობაში; დიდი წვლილი აქვს შეტანილი სატრანსპორტო მშენებლობაში ნორმატიული ბაზის განვითარებისა და ახალი ტექნოლოგიების დანერგვის საქმეში; არის 17 სამეცნიერო ნაშრომის ავტორი; სამეცნიერო-ტექნიკური, არქიტექტურულ-სამშენებლო, ინტელექტუალურ-საპატენტო და ეკონომიკური ტერმინების ლექსიკონის სარედაქციო კოლეგიის წევრი; ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.510

• საქართველოს ეროვნულ და სოციალურ ურთიერთობათა აკადემია, აკადემიკოსი