ოთარ ვეფხვაძე

დაბადების ადგილი: ქ. ბორჯომი.

დაამთავრა თბილისის სახელმწიფო სამხატვრო აკადემიის დეკორატიული გამოყენებითი ხელოვნების ფაკულტეტი 1975 წელს. 

1990-1992წწ. იყო თბილისის სახელმწიფო სამხატვრო აკადემიის პედაგოგი; 1991 წელს ფენიქსის სამხატვრო უნივერსიტეტის (არიზონის შტატი, აშშ) პედაგოგი. არის ავტორი ნამუშევრებისა: "გაზაფხული" (1978), "ჰელლადოს" (პანო მიუსერას სამთავრობო აგარაკისათვის, 1986), "გელათი" (პიკასოს ვერცხლის მედალი ვალორისის კონკურსზე, 1981), დეკორატიული ლარნაკი (პრიზი ინტერიერისთვის განკუთვნილი საუკეთესო კერამიკისთვის, ერფრუტი 1982), "უკვდავება" (1984). შეასრულა კერამიკული ნაწარმოებები სასტუმრო "გუდაურისთვის" (გუდაური, 1986); მონაწილეობდა მოსკოვის მეტროპოლიტენის სადგურ "პეტროვსკო-რაზუმოვსკის" გაფორმებაში (1989) და სხვა. იყო დამდგმელი მხატვარი ფილმებისა "მაცგი" (1986), "ხვეული კიბით" (2000). გამართული აქვს გამოფენები: თბილისი (1984, 1990); ნიუ-იორკი, ექსპრეს ავანგარდ გალერეა, (1990); ევროპის აკადემია ოტცენჰაუზენი, გერმანია (1993); Dagstul Palace, საარლანდი, გერმანია (1993); თეატრი "გრილო", ესენი, გერმანია, (1994), "ბალდენ პალასი", ესენი, გერმანია (1995). მისი ნამუშევრები დაცულია: საქართველოს ეროვნულ გალერეაში, ხელოვნების სახელმწიფო მუზეუმში, აღმოსავლეთის ხალხთა ხელოვნების მუზეუმში (მოსკოვი), ბუდაპეშტის სახვითი ხელოვნების მუზეუმში, "ექსპრეს-ავანგარდ გალერეაში" (მოსკოვი) და სხვა. 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.177; ეროვნული ფილმოგრაფიის პორტალი: geocinema.ge

• საქართველოს მხატვართა კავშირი, წევრი (1976-)