ზვიად ვეშაპიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკისა (1993) და  სამართალმცოდნეობის (1994) ფაკულტეტები.

1992-1994წწ. იყო თავდაცვის სამინისტროში ტერიტორიული მთლიანობისათვის წარმოებული საბრძოლო ოპერაციების მონაწილე; 1995-1999წწ. ბოლნისის რაიონის გამგეობის ეკონომიკური განყოფილების სპეციალისტი, განყოფილების გამგის მოადგილე; რაიონის საფინანსო განყოფილების უფროსი; 2000 წელს შრომის, ჯანმრთელობისა და სოციალური დაცვის განყოფილების უფროსის მოადგილე; 2000-2004წწ. საქართველოს კონტროლის პალატის სამმართველოს უფროსი და დეპარტამენტის უფროსის მოადგილე; 2004 წელს ბოლნისის რაიონის გამგებელი; საქართველოს კონტროლის პალატის დეპარტამენტის უფროსის მოადგილე (2005); 2005-2007წწ. საქართველოს ლტოლვილთა და განსახლების მინისტრის I მოადგილე. გამოქვეყნებული აქვს საგაზეთო სტატიები: "ქართული ფულის საკითხისათვის"; "ფულად-საკრედიტო სისტემის განვითარების პერსპექტივები საქართველოში" და სხვა.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.178