მიხეილ სიორდია

დაბადების ადგილი: ქ. ხობი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1958 წელს.

1960-1965წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N6 სამშენებლო სამმართველოს ოსტატად; 1965-1967წწ. "მთავართბილმშენის" სახლსაშენ კომბინატის სამუშაოთა მწარმოებლად; 1967-1970წწ. ქ. თბილისის ლენინის რაისაბჭოს აღმასკომის საბინაო სამმართველოს ტექნიკურ ზედამხედველად და უფროს ტექნიკურ ზედამხედველად; 1970-1974წწ. ამავე რაიაღმასკომის კეთილმოწყობის განყოფილების უფროსის მოადგილედ; 1974-1981წწ. საბინაო აღრიცხვისა და განაწილების გამგედ; 1981 წლიდან იყო საქართველოს საბინაო-კომუნალური მეურნეობის სამინისტროს მთავარი ინჟინერი (საცხოვრებელი ფართის განაწილებისა და კონტროლის დარგში); არაერთგზის იყო არჩეული ქ. თბილისის ლენინის რაიონული საბჭოს დეპუტატად; უკანასკნელ წლებში იყო საქართველოს ზოოვეტერინალური ინსტიტუტის პრორექტორი სამშენებლო და სამეურნეო დარგში; საქართველოს აგრარული უნივერსიტეტის სამეურნეო დეპარტამენტის ერთ-ერთი ხელმძღვანელი. 

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.511; მიხეილ სიორდია : განცხადება გარდაცვალების შესახებ // საქართველოს რესპუბლიკა.-თბილისი, 2015.-30 იანვარი.-N18 (7663).-19გვ.