აგული სოხაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის სპეციალობით 1954 წელს.

1954-1955წწ. შრომითი საქმიანობა დაიწყო სტუდენტობისას, სასტუმრო "საქართველოს" მშენებლობაზე მშენებელ ოსტატად; მუშაობდა საპროექტო ინსტიტუტ "ჰიდროპროექტის" ინჟინერ-დამპროექტებლად, ჯგუფის უფროსად; 1954 წლიდან მუშაობდა საქართველოს პოლიტექნიკური ინსტიტუტში ( ამჟამად - საქართველოს ტექნიკური უნივერსიტეტი). იგი იყო ასისტენტი, უფროსი მეცნიერი თანამშრომელი, დოცენტი, პროფესორი, კათედრის გამგე,  1955-1961წწ. საქართველოს მეცნიერებათა აკადემიის "სამშენებლო საქმის" ინსტიტუტის (შემდგომ სამშენებლო მექანიკისა და სეისმომედეგობის ს/კ ინსტიტუტი) უფროს ინჟინრად; 1961-1966წწ. იყო სამშენებლო-სამონტაჟო ტრესტ "კავკასელექტროქსელმშენის" უფროსი ინჟინერი, მშენებლობის ტექნიკური ზედამხედველი; 1967-1973წწ. იყო საქართველოს პოლიტექნიკური ინსტიტუტის პრორექტორი პერსპექტიული განვითარებისა და კაპიტალური მშენებლობის დარგში;1954-1955 წლებში მუშაობდა სასტუმრო ''საქართველოს'' მშენებლობაზე ოსტატად, ''თბილგიდეპში'' - ჯგუფის უფროსად, მონაწილეობდა სპორტის სასახლის მშენებლობაში, 1981-1988 წლებში იყო ''კავკაზელექტროქსელის'' უფროსი ინჟინერი, მშენებლობის ტექნიკური ზედამხედველი. 1995-2006წწ. ხელმძღვანლობდა საქართველოს ტექნიკური უნივერსიტეტის სამშენებლო კონსტრუქციების კათედრას; 2006 წლებში სათავეში ჩაუდგა სამოქალაქო და სამრეწველო მშენებლობის დეპარტამენტს; ხელმძღვანელობდა საქართველოს პოლიტექნიკური ინსტიტუტის პერსპექტიული ინსტიტუტის არქიტექტურის, ავტომატიკის, კავშირგაბმულობის, თვითმფრინავმშენებლობისა და ენერგეტიკის ფაკულტეტების სასწავლო - ლაბორატორიული კორპუსების, სამხედრო კათედრისა და პოლიკლინიკის, დახურული საცურაო აუზის, ლესელიძისა და ბაკურიანის სპორტული კომპლექსების, სტუდენტთა საერთო საცხოვრებელი სახლების დაგეგმარება - მშენებლობას, ასევე, ადმინისტრაციული კორპუსის რეკონსტრუქციას; მისი სამეცნიერო მუშაობის ძირითადი მიმართულება იყო დიდმალიანი წინასწარდაძაბული რკინაბეტონის სივრცითი კონსტრუქციების ექსპერიმენტულ-თეორიული გამოკვლევები; შექმნა ახალი ტიპის ინვენტარული ანკერები, წინასწარდაძაბული რკინაბეტონის კონსტრუქციებისთვის; ასევე, ორიგინალური საინექციო აპარატი და პირაპირები მსხვილპანელოვანი უკარკასო შენობებისთვის; მონაწილეობდა რკინაბეტონის კონსტრუქციების სამშენებლო ნორმებისა და წესების დამუშავებაში; იყო 170-ზე მეტი გამოქვეყნებული სამეცნიერო ნაშრომის ავტორი; დაჯილდოებულია სახელმწიფო და საუნივერსიტეტო ჯილდოებით, მათ შორის: სრულიად საქართველოს საპატრიარქოს სიგელით ყოვლადწმინდა სამების საკათედრო ტაძრის მშენებლობაში აქტიური მონაწილეობისათვის (2004); არის ჯორჯიის შტატის (აშშ) საპატიო მოქალაქე (1991). ტექნიკის მეცნიერებათა კანდიდატი, პროფესორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.517; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.161; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.93

• საქართველოს საინჟინრო აკადემია, აკადემიკოსი

• 2005 - გიორგი ნიკოლაძის სახელობის მედალი
• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1980-2000 წლებში შესრულებული სამუშაოსათვის - "შენობა-ნაგებობების საიმედოობის ამაღლების კომპლექსური ღონისძიებების კვლევა და რეალიზაცია"
• 1998 - ღირსების ორდენი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის
• საქართველოს დამსახურებული მშენებელი

• რკინაბეტონის კონსტრუქციები : სახელმძღვანელო (Co-Author) // ნაწ.2. - თბილისი, ტექნ. უნ-ტი, 2012. - 93გვ.
• რკინაბეტონის კონსტრუქციები : სახელმძღვანელო (Co-Author) // ნაწ.1. - თბილისი, ტექნიკური უნ-ტი, 2011. - 92გვ.
• საყრდენი კედლების კომპოზიციურ-სისტემური დაპროექტება (Co-Author). - თბილისი, ტექნიკური უნ-ტის გამ-ბა, 2005. - 78გვ.
• რკინაბეტონის კონსტრუქციების ელემენტების გაანგარიშება : სახელმძღვ. უმაღლ. ტექნ. სასწავლებლებისათვის (Co-Author). - თბილისი, განათლება, 1989. - 123გვ.
• რკინაბეტონის კარკასის ელემენტების გაანგარიშება : მრავალსართულიანი კავშირებიანი სისტემა : სახელმძღვ. უმაღლ. ტექნ. სასწავლებლებისათვის (Co-Author). - თბილისი, განათლება, 1983. - 72გვ.