შესვლა |
![]() |
![]() |
![]() ![]() |
დასაწყისიკატეგორიები |
ძიება საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ. ლექსიკონის მხარდამჭერია საქართველოს ეროვნული ბიბლიოთეკა. პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო. |
ომარ სულაქველიძე![]()
ბიოგრაფიადაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს. 1962-1977წწ. მუშაობდა საქართველოს სპეციალიზებული სამშენებლო-სამონტაჟო გაერთიანება "საქმონტაჟსპეცმშენის" სამონტაჟო სამმარტველო "მრეწვენტილაციის" სამონტაჟო უბნის ოსტატად, სამუშაოთა მწარმოებლად, სამმართველოს საწარმოო-ტექნიკური განყოფილებისა და 1977-1978წწ. ტრესტ "საქსანტექმონტაჟის" საწარმოო-ტექნიკური განყოფილების უფროსად; ამავე ტრესტის რუსთავის სამონტაჟო სამმართველოს მთავარ ინჟინრად; 1978-1979წწ. იყო საქართველოს სასოფლო მშენებლობის სამინისტროს N13 სპეციალიზებული მოძრავ-მექანიზებული კოლონის საწარმოო-ტექნიკური განყოფილების უფროსი; 1980-1987წწ. ხელმძღვანელობდა სპეციალიზებულ სამონტაჟო სამმართველო "მრეწვენტილაციის" თბილისის გაერთიანებულ სამონტაჟო უბანს, სამმართველოს საწარმოო-ტექნიკურ განყოფილებას; 1987-1992წწ. იყო რუსთავის სავენტილაციო ნაკეთობათა ქარხნის დირექტორი; 1992 წლიდან ფირმა "მრეწვენტილაციის" გენერალური დირექტორის მოადგილე; ხელმძღვანელობდა რესპუბლიკის უმსხვილესი სამრეწველო საწარმოების, ენერგო, კულტურულ-საგანმანათლებლო, ჯანდაცვისა და თბილისის მეტროპოლიტენის ობიექტების, საქართველოს პარლამენტისა და მთავრობის კანცელარიის ადმინისტრაციული კორპუსების, ხელნაწერთა ს/კ ინსტიტუტის, ხელოვნების სახელმწიფო მუზეუმის (ოქროს ფონდში), ოპერისა და ბალეტის სახელმწიფო დრამატული თეატრის და სხვა მნიშვნელოვანი შენობა-ნაგებობების პროცესში გათბობა-ვენტილაციისა და სანტექნიკური სისტემა-მოწყობილობების სამონტაჟო სამუშაოების შესრულებას. წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.519-520
|
Biographical Dictionary. version 1.2.2.R1 Copyright © 2010-2012 by David A. Mchedlishvili |