თეიმურაზ სუპატაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტი 1977 წელს; საქართველოს კპ ცკ მარქსიზმ-ლენინიზმის უნივერსიტეტის ეკონომიკის ფაკულტეტი 1988 წელს.

1977-1978წწ. მუშაობდა საქართველოს მშენებლობის სამინისტროს N7 სამშენებლო ტრესტ "საქშახტმშენის"

 სამონტაჟო სამმართველო "სპეცშახტმონტაჟის" საწარმოო-ტექნიკურ განყოფილებაში უფროს ინჟინრად; 1978-1981წწ. საქართველოს მშენებლობის სამინისტროს სამშენებლო გაერთიანება "თბილქალაქმშენის" N14 სამშენებლო ტრესტში ინჟინრად; 1981-1985წწ. ამავე ტრესტის N2 სამშენებლო სამმართველოში სამუშაოთა მწარმოებლად და უფროს ინჟინრად; 1985-1986წწ. იყო საქართველოს მშენებლობის სამინისტროს აპარატის მთავარი საწარმოო-განმკარგულებელი სამმართველოს მეტალურგიული მრეწველობის ობიექტების მშენებლობის განყოფილების წამყვანი ინჟინერი, ამავე სამმართველოს მსუბუქი და ადგილობრივი მრეწველობის ობიექტების მშენებლობის განყოფილების უფროსი, საქართველოს მშენებლობის მინისტრის თანაშემწე; 1986-1990წწ. რესპუბლიკური გაერთიანება "საქაგრომშენის" თავმჯდომარის მოადგილე.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.521