ჯამლეტ სურამელაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1965 წელს; დაუსწრებელი სწავლების სამშენებლო ფაკულტეტი საავტომობილო გზების მშენებლობის სპეციალობით 1973 წელს.

1965 წლიდან მუშაობდა ინსტიტუტის კათედრაზე; 1968-1969წწ. მუშაობდა ქ. თბილისის საქალაქო საბჭოს აღმასკომის კაპიტალური მშენებლობის სამმართველოში; 1969-1972წწ. სამშენებლო-სამონტაჟო სამმართველოში სამუშაოთა მწარმოებლად, მთავარ ინჟინრად; 1972-1979წწ. მუშაობდა ქ. თბილისის საქალაქო საბჭოს აღმასკომის კეთილმოწყობის სამმართველოში, ჯერ უფროსი ინჟინრის თანამდებობაზე; 1975 წლიდან კაპიტალური მშენებლობის განყოფილების უფროსად; 1979 წელს ქ. თბილისის საქალაქო საბჭოს აღმასკომის საგზაო მეურნეობის სამმართველოს ჩამოყალიბების შემდეგ დაინიშნა სამმართველოს უფროსის მოადგილედ, სამმართველოს უფროსად; 1995-2000წწ. მუშაობდა სააქციო საზოგადოება კომპანია "თბილისის" გენერალურ დირექტორად; აქტიურად მონაწილეობდა ქ. თბილისის მნიშვნელოვანი ობიექტების მშენებლობა-რეკონსტრუქციის სამუშაოებში; მათ შორის: ასფალტბეტონის ქარხნების მშენებლობაში ფონიჭალასა და ავჭალაში, ბელიაშვილისა და ბაქრაძის ქუჩების მშენებლობა-რეკონსტრუქციის, ფეიქრებისა და "გლდანი-მუხიანის" გზების კეთილმოწყობის, ცოტნე დადიანისა და ჯავახეთის ქუჩების რეკონსტრუქციის, მდ. მტკვრის მარჯვენა და მარცხენა სანაპიროექბის, ავტოსტრადა "თბილისი-აეროპორტის", რუსთაველისა და გურამიშვილის გამზირების, ნონეშვილის, სარაჯიშვილის, წინამძღრიშვილის, აბაშიძისა და ნუცუბიძის ქუჩების კაპიტალური შეკეთება-მოასფალტების სამუშაოების შესრულებაში. მიღებული აქვს საქართველოს საპატრიარქოს საპატიო სიგელი ტაძრების აღმშენებლობა-რესტავრაციაში შეტანილი დიდი წვლილისათვის; ორგანიზაცია "ირაოს" საპატიო სიგელი (2006); "2006 წლის საუკეთესო ადამიანის" წოდება.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.521; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.315

• საქართველოს მეგზევეთა კავშირი, თავმჯდომარის მოადგილე (1995-)
• საქართველოს მშენებელთა ფედერაცია, თავმჯდომარის მოადგილე (1999-)

• 2007 - საქართველოს დამსახურებული მშენებელი
• 1999 - ღირსების ორდენი
  საქალაქო მეურნეობის განვითარებასა და კეთილმოწყობაში შეტანილი პირადი წვლილის, მაღალი პროფესიონალიზმისა და ნაყოფიერი საზოგადოებრივი საქმიანობისათვის
• მედალი "შრომითი მამაცობისთვის"