ვალერიან სულაკაური

დაბადების ადგილი: სოფელი ფარსმანი, ახმეტის რაიონი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1963 წელს; მოსკოვის საკავშირო სახელმწიფო კინემატოგრაფიის ინსტიტუტის (ვგიკ) სასცენარო ფაკულტეტი 1971 წელს.

1962-1976წწ. მუშობდა საქართველოს ტელერადიო მაუწყებლობის სახელმწიფო კომიტეტში ტელეგადაცემების რედაქტორად, სატელევიზიო ფილმების სტუდიის უფროს რედაქტორად; 1976-1992წწ. კინოსტუდია "ქართული ფილმის" დუბლიაჟის გაერთიანებაში რედაქტორად, მთავარ რედაქტორად; 1996 წლიდან ტელევიზიის და რადიომაუწყებლობის ინსტიტუტში კათედრის გამგედ; აქვეყნებდა მოთხრობებს და ნარკვევებს ჟურნალებში: "ცისკარი", "საქართველოს ქალი", "მნათობი"; გაზათებში: "ლიტერატურული საქართველო", "ახალგაზრდა კომუნისტი"; მისი სცენარებით სხვადასხვა სტუდიებში გადაღებული ფილმები ძირითადად საქართველოს მთის თემას ეძღვნება, მათ შორის აღსანიშნავია დოკუმენტური ფილმები: "მთათუშეთი", "ალვანელი მეცხვარეები" (ორივე - ო. გურგნიძე, 1964), "ომალო" (ვ. მიქელაძე, გ. ჭუბაბრია, 1967), თეთრი თორღვაი" (გ. ჭუბაბრია, 1967), "თუშეთის მთებში" (ა. რეხვიაშვილი) და სხვ. არის 50-ზე მეტი მხატვრული, პუბლიცისტური ფილმის, მათ შორის: "თუში მეცხვარე", "ბილიკები ცაში" და სხვ. ავტორი, თარგმნილი და რედაქტირებული აქვს 800–ზე მეტი მხატვრული ფილმი.

წყარო: ქართული კონო, 1896-2011.- თბ., 2011.- გვ. 166; ეროვნული ფილმოგრაფიის პორტალი: geocinema.ge; ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.240 

• საქართველოს ჟურნალისტთა ფედერაცია, წევრი (1971-)

• ბილიკები ცაში (ავტორი). - თბილისი, 2007. - 237გვ.. - ISBN: 978-99940-63-62-8
• გაზაფხული დადგება მთაში (ავტორი). - თბილისი, 2006. - 171გვ.. - ISBN: 99940-30-98-1
• მწვანე ჰორიზონტი (ავტორი). - თბილისი, საბჭ. საქართველო, 1977. - 119გვ.