დავით სურგულაძე

დაბადების ადგილი: სოფელი ქვედა ვანი, ვანის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1961 წელს.

1961-1962წწ. შრომითი საქმიანობა დაიწყო თბილისის ჰიდროტექნიკურ ნაგებობათა და ენერგეტიკის ს/კ ინსტიტუტში ინჟინრად; 1962 წლიდან მუშაობდა "საქენერგოს" სისტემაში ჰიდროტექნიკური სამსახურის უფროს ინჟინრად, სპეციალიზებული სამშენებლო-სარემონტო სამმართველოს სამუშაოთა მწარმოებლად, შემდეგ სპეციალიზებული სამშენებლო ტრესტის თბილისის სამშენებლო-სარემონტო სამმართველოს მთავარ ინჟინრად, "საქენერგოს" მთავარი ინჟინრის მოადგილედ, სამშენებლო ტრესტ "საქსოფლელექტრომშენის" N7 სამშენებლო სამმართველოს უფროსად; იყო იმავე ტრესტის აღმოსავლეთ საქართველოს სამშენებლო სამმართველოს უფროსი; 1996 წლიდან მუშაობდა სს "შენობა-ნაგებობების მშენებლის" გენერალურ დირექტორად; 1977-1979წწ. მივლინებული იყო ერაყში "ხალიტაჰესის" მშენებლობაზე; სხვადასხვა პერიოდში აშენებული აქვს: ამიერკავკასიის გაერთიანებული სადისპეტჩეროს შენობა (გაგარინის ქუჩაზე), მრავალსართულიანი საცხოვრებელი სახლები, საწარმოო საამქროები, საშუალო სკოლა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.522