თენგიზ სხირტლაძე

დაბადების ადგილი: ქ. ქობულეთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1964 წელს.

ინსტიტუტის დამთავრების შემდეგ მუშაობდა სხვადასხვა სამშენებლო ორგანიზაციებში მშენებელ ოსტატად, სამუშაოთა მწარმოებლად, მშენებლობის დირექციის დირექტორად; იყო საქართველოს ვაჭრობის სამინისტროს სამშენებლო ტრესტ "საქვაჭრობსპეცმშენის" რკინაბეტონის ნაკეთობათა კომბინატის დირექტორი; სამშენებლო-სარემონტო სამმართველოს უფროსი, ამავე ტრესტის მთავარი ინჟინერი; ხელმძღვანელობდა "საქტანსაცმელვაჭრობის" ბაზის (თბილისში), საკონცერტო დარბაზის (რუსთავში), გუდაურის კომპლექსის, მიწისძვრის შედეგად დაზიანებული საცხოვრებელი სახლებისა და სხვა მნიშვნელოვანი სამოქალაქო-საზოგადოებრივი დანიშნულების ობიექტების აღდგენა-რესტავრაციას (რაჭაში); დაჯილდოებული იყო სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.523; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.321

• 2000 - ღირსების ორდენი