ვიქტორ ტაგანაშვილი

დაბადების ადგილი: ქ. ხაშური.

დაამთავრა ხაშურის რკინიგზის სასწავლებელი 1922 წელს; თბილისის ინდუსტრიული ტექნიკუმი 1926 წელს; საქართველოს პოლიტექნიკური ინსტიტუტი 1934 წელს.

1934-1936წწ. მუშაობდა ხაშურის სახალხო დეპუტატთა საქალაქო საბჭოს აღმასრულებელი კომიტეტის ინჟინრად; 1936-1939წწ. სამშენებლო ტრესტ "თბილმშენის" სამუშაოთა მწარმოებლად, ინსპექტორად, სამმართველოს უფროსად; 1939-1952წწ. მუშაობდა თბილისის შამპანური ღვინოების ქარხნის, ჩაის გადამწონი ფაბრიკის, თბილისის ელმავალმშენებელი და N4 პურის ქარხნების მშენებლობების უფროსად, ჩაის გადამწონი ფაბრიკის დირექტორად; ქ. თბილისის ლენინის სახელობის რაისაბჭოს აღმასკომის თავმჯდომარის მოადგილედ; 1952-1953წწ. ხელმძღვანელობდა საქართველოს მინისტრთა საბჭოსთან არსებული სოფლისა და საკოლმეურნეო მშენებლობის მთავარ სამმართველოს; 1953-1955წწ. სამშენებლო ტრესტ "საქმშენს"; 1955-1974წწ. ამიერკავკასიის სატრანსპორტო მშენებლობის ტრესტ "ამიერკავკასტრანსმშენის" N131 სამშენებლო სამმართველოს; 1977 წელს დაინიშნა საქართველოს პროფესიუ-ტექნიკური განათლების სამმართველოს მთავარ ინჟინრად; 1984 წლიდან სიცოცხლის ბოლომდე მუშაობდა საქართველოს მინისტრთა საბჭოსთან არსებული სამეცნიერო-საწარმოო გაერთიანება "საქნაპირდაცვის" ექსპერტიზის ჯგუფის ხელმძრვანელად; იყო სახელმწიფო ორდენებისა და მედლის კავალერი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.525

• საქართველოს დამსახურებული ინჟინერი