
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გია იაშვილი

Legal name:	გიორგი იაშვილი
Date of birth:	12 June, 1956 (68 years)
Category:	Painter, Educator

Biography

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის კერამიკის განყოფილება 1978 წელს.

1970-1973წწ. სწავლობდა თბილისის სახელმწიფო თეატრალური ინსტიტუტის სამსახიობო და კინოსარეჟისორო (1980) კურსებზე. 1988-1996წწ. იყო საქართველოს მხატვართა კავშირის სამდივნოს წევრი; 1988-1994წწ. გამოყენებითი ხელოვნების სექციის თავმჯდომარე; 1987-1988წწ. მონუმენტალური ხელოვნების საბჭოს თავმჯდომარე; 1996-2000წწ. თანამედროვე ხელოვნების მუზეუმის ექსპერტთა საბჭოს წევრი; საერთაშორისო ორგანიზაცია LACI-ის (აშშ) წევრი და წარმომადგენელი საქართველოში. იყო "ჩიკაგო არტ" ინსტიტუტის (1989), "კენტ უნივერსიტეტის" (ოჰაიო, აშშ 1992) მიწვეული პროფესორი; აშშ. სახელმწიფო დეპარტამენტისა და USAID-ის პროგრამის მონაწილე (ჩიკაგო, აშშ 2006). თბილისის სახელმწიფო სამხატვრო აკადემიის პედაგოგი, დოცენტი. არის ავტორი ნამუშევრებისა: კერამიკული ქანდაკებების ციკლი "ქალდეა", "გარინდული მხედარი", "არმაზის მწუხარი", "ხარის ნახტომი"; მონუმენტური პანო "კოლხიდა"; ოფორტების სერია "წარტაცება ღამეში"; დეკორატიული ჭურჭლის სერია "არქაული", "სახიობა" და სხვა. 1977 წლიდან მონაწილეობდა საქართველოსა და საზღვარგარეთ გამართულ გამოფენებში, საერთაშორისო პროგრამებსა და შემოქმედებით ჯგუფებში. მისი ნამუშევრები რეგულარულად იფინება მსოფლიო გამოფენაზე "New Art Form" (ჩიკაგო, აშშ); შეტანილია "Art in America"-ს გამოფენათა კატალოგში და დაცულია იუნესკოს, დემირელის, ATA-ს, "TMS"-ის, Laikside GRP"-ის, "Bount GLR" გალერეებსა და ფონდებში; საქართველოსა და უცხოეთის სახელმწიფო და კერძო კოლექციებში. გამოქვეყნებული აქვს სტატიები ხელოვნების სწავლების მეთოდოლოგიაზე. მიღებული აქვს სსრკ სამხატვრო აკადემიის პრემია (1984); ხელოვნების საერთაშორისო ფესტივალის გრანმპრი (1995-1996); USAID-ის საპროგრამო (თბილისი, 1996) და საერთაშორისო ორგანიზაცია "ATA"-ს სახელობითი (აშშ, 1997) გრანტები. საქართველოს ხელოვნების საერთაშორისო ცენტრის დირექტორი (1996). მხატვარ-კერამიკოსი.

წყარო: ვინ ვინ არის საქართველოში: ქართული ბიოგრაფიული ცნობარი. – თბ., 2006.-გვ.216

Member of Organizations

თანამედროვე ხელოვნების მუზეუმის ექსპერტთა საბჭო, წევრი (1996-2000)
საქართველოს მხატვართა კავშირი, წევრი (1981-)
საქართველოს მხატვართა კავშირის სამდივნო, წევრი (1988-1996)
სსრკ დიზაინერთა კავშირი, წევრ (1984-)
სსრკ მხატვართა კავშირი, წევრი (1981-)