მიხეილ ტრუსკოვსკი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკის ფაკულტეტი 1964 წელს; მოგვიანებით - საქართველოს ჰიდროენერგეტიკისა და ჰიდროტექნიკურ ნაგებობათა ს/კ ინსტიტუტის ასპირანტურა.

1965-1967წწ. მუშაობდა თბილისის საავიაციო ქარხანაში; 1967-1977წწ. საქართველოს ჰიდროენერგეტიკისა და ჰიდროტექნიკურ ნაგებობათა ს/კ ინსტიტუტში უმცროს და უფროს მეცნიერ-თანამშრომლად; 1977-1986წწ. თბილისის ზონალურ ს/კ ტიპური და ექსპერიმენტული პროექტირების საპროექტო ინსტიტუტში ("თბილზნიიეპი") - უფროს მეცნიერ-თანამშრომლად; 1986-1996წწ. საქართველოს მშენებლობის სამინისტროს აპარატში მთავარ სპეციალისტად; 1996 წლიდან ხელმძღვანელობს პროექტირების, მშენებლობისა და სამეცნიერო კვლევა-ძიების ს/კ შპს "მშენაღდგენის" განყოფილებას; პროფესიული საქმიანობის სხვადასხვა ეტაპზე აქტიურად მონაწილეობდა შენობა-ნაგებობათა აღდგენა-გამაგრების პროექტების დამუშავებასა და ხორცშესხმაში; მისი პროექტებით საქართველოს რიგ სოფლებსა და დასახლებებში მიწისძვრით დაზიანებული არაერთი საცხოვრებელი სახლი, სკოლა, საბავშვო ბაგა-ბაღი განახლდა; არის თბილისის ზონალურ ს/კ, ტიპური და ექსპერიმენტული პროექტირების ინსტიტუტ "თბილზნიიეპში" დამუშავებული ექსპერიმენტული 16-სართულიანი საცხოვრებელი სახლის პროექტის თანაავტორი; მონაწილეობდა რუსთაველის სახელობის აკადემიური თეატრის შენობის გამაგრებითი სამუშაოების შესრულებაში; არის 24-ზე მეტი სამეცნიერო ნაშრომის, 1 მონოგრაფიის, 12 რაციონალიზატორული წინადადების ავტორი, 3 საავტორო მოწმობის მფლობელი; საქართველოს საინჟინრო აკადემიის მშენებლობისა და არქიტექტურის განყოფილების მრჩეველი, ტექნიკის მეცნიერებათა კანდიდატი. მიღებული აქვს სსრკ მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.528