გოდერძი ტურძელაძე

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1953 წელს.

მუშაობდა ქ. თბილისში, სამშენებლო-სამონტაჟო ტრესტ "საქკვებმშენის" N1 სამშენებლო სამმართველოს სამუშაოთა მწარმოებლად; 1955 წლიდან მუშაობდა ქ. ფოთში სამხედრო ნაწილის სამშენებლო უბნის უფროსად, ნავსადგურის რეკონსტრუქციისა და კაპიტალური რემონტის სამუშაოთა მწარმოებლად; 1959 წლიდან იყო ქ. ფოთის მშრომელთა დეპუტატების საქალაქო საბჭოს აღმასკომის მშენებლობის განყოფილების მთავარი ინჟინერი; 1955 წლიდან ფოთის საქალაქო საბჭოს აღმასკომის თავმჯდომარის მოადგილე; 1973 წელს თბილისში გადმოიყვანეს ივანე ჯავახიშვილის სახელობის თბილისის სახელმწიფო უნივერსიტეტის მშენებლობის განყოფილების უფროსად; 1975 წელს დაინიშნა საქართველოს მინისტრთა საბჭოს უცხოეთის ტურიზმის სამმართველოში მშენებარე ობიექტების დირექციის დირექტორად; ამ პერიოდში აშენდა: სასტუმრო "აჭარა" ქ. თბილისში, სასტუმრო "კახეთი" ქ. თელავში, სასტუმრო "ქობულეთი" ქ. ქუბულეთში; 1978 წელს დაინიშნა საქართველოს საბინაო და კომუნალური მეურნეობის სამინისტროს კომუნალურ საწარმოთა და კეთილმოწყობის სამმართველოს უფროსად; მის მიერ დამუშავდა ქ. ფოთში რკინიგზის გამტარის, ზღვის სანაპირო ზოლის დაცვის, ქ. ფოთისა და სენაკის წყალსადენების საწნეო მილდენის მოწყობის პროექტები მდ. ტეხურის ფილტრატების ბაზაზე; 1994-2002წწ. თბილისის სახელმწიფო უნივერსიტეტის პრორექტორია, ხელმძრვანელობდა ადმინისტრაციულ და სამშენებლო დარგს; პროფესიული საქმიანობის პარალელურად აქტიურ მონაწილეობას იღებდა ქვეყნის საზოგადოებრივ საქმიანობაში; დიდი როლი ითამაშა ნიკო ნიკოლაძის სახელობის საზოგადოების მუშაობის აღორძიმების საქმეში; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.529; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.251

• საქართველოს სოციალურ ურთიერთობათა აკადემია, წევრი
• ფაზისის მეცნიერებათა აკადემია, წევრი

• 1998 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი დიდი წლილისა და ნაყოფიერი სამეცნიერო მოღვაწეობისათვის